ខេត្តកណ្តាល ៖ បុរសម្នាក់ដែលគេធ្លាប់វាយត្រូវក្បាលម្តងដោយសាររឿងជម្លោះ កាលពីប៉ុន្មានឆ្នាំមុនបណ្តាលឱ្យមានជំងឺសរសៃប្រសាទព្យាបាលមិន ជា ពេលនេះបានធ្វើអត្តឃាតដោយផឹកថ្នាំបំពុលកុកបណ្តាលឱ្យស្លា.ប់ បាត់បង់ជីវិត ក្រោយពេលក្រុមគ្រួសារបញ្ជូនទៅសង្គ្រោះដល់ពាក់កណ្តាលផ្លូវ។ ហេតុការណ៍នេះបាន
ខេត្តកណ្តាល ៖ បុរសម្នាក់ដែលគេធ្លាប់វាយត្រូវក្បាលម្តងដោយសាររឿងជម្លោះកាលពីប៉ុន្មានឆ្នាំមុនបណ្តាលឱ្យមានជំងឺសរសៃប្រសាទព្យាបាលមិនជា ពេលនេះបានធ្វើអត្តឃាតដោយផឹកថ្នាំបំពុលកុកបណ្តាលឱ្យស្លាប់បាត់បង់ជីវិត ក្រោយពេលក្រុមគ្រួសារបញ្ជូនទៅសង្គ្រោះដល់ពាក់កណ្តាលផ្លូវ។ ហេតុការណ៍នេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី១២ ខែសីហា ឆ្នាំ២០១១ នៅក្នុងភូមិត្រពាំងឈើនាង ឃុំពើក ស្រុកអង្គស្នួល ។
បុរសរូបនោះឈ្មោះប៉េង ពេញ អាយុ៣១ឆ្នាំ ប្រពន្ធឈ្មោះយន់ សុខឿន អាយុ៣៣ឆ្នាំ មានកូនស្រី២នាក់ សព្វថ្ងៃរស់នៅក្នុងភូមិខាង លើ ។ តាមប្រភពព័ត៌មានពីក្រុមគ្រួសារបានឱ្យដឹងថា បុរសឈ្មោះប៉េង ពេញ បានយកថ្នាំដែលខ្លួនទិញទុកសម្រាប់បំពុលសត្វកុករយៈពេល១ឆ្នាំ មកហើយ មកផឹកសម្លាប់ខ្លួន ប៉ុន្តែខណៈនោះក្រុមគ្រួសារដឹងទាន់ក៏នាំទៅកាន់មន្ទីរពេទ្យស្រុកអង្គស្នួល ដើម្បីសង្គ្រោះបន្ទាន់ ។ ពេលទៅដល់ក្រុមគ្រូពេទ្យប្រាប់ថា គ្មានសមត្ថភាពព្យាបាលក៏បញ្ជូនបន្តទៅកាន់មន្ទីរពេទ្យព្រះកុសុមៈវិញ តែដោយសារមានសភាពធ្ងន់ធ្ងរ ពេកពេលទៅដល់ពាក់កណ្តាលផ្លូវក៏បានស្លាប់បាត់បង់ជីវិត ។
ប្រភពដដែលបានបន្តថា ការសម្លាប់ខ្លួននេះដោយសារតែរូបគេមានជំងឺសរសៃប្រសាទប្រចាំកាយ ដោយកាលពីប៉ុន្មានឆ្នាំមុនបុរសនោះមានទំនាស់ជាមួយអ្នកដទៃ ហើយគេវាយត្រូវក្បាលបណ្តាលឱ្យរងរបួសធ្ងន់ធ្ងរ ។ ខណៈនោះក្រុមគ្រួសារក៏នាំចូលមន្ទីរពេទ្យព្យាបាលរហូតជារបួសស្រាប់តែក្លាយទៅជាមនុស្សសរសៃប្រសាទព្យាបាលលែងជារហូត មិនតែប៉ុណ្ណោះកន្លងមកធ្លាប់បានវាយក្បាលខ្លួនឯងនិងដេញវាយឪពុកម្តាយទៀតផង ។ រហូតមកដល់ពេលនេះជំងឺកាន់តែធ្ងន់ធ្ងរថែមទៀត រហូតលែងដឹងខុសត្រូវ ក៏ផឹកថ្នាំបំពុលកុកស្លាប់ខ្លួនបែបនេះតែម្តង ៕
ចែករំលែកព័តមាននេះ