ទិន្នន័យផ្លូវការមួយបានបង្ហាញ កាលពីថ្ងៃចន្ទថា ចំនួនជនរងគ្រោះដោយសារមីន និងគ្រាប់មិនទាន់ផ្ទុះនៅក្នុងប្រទេសកម្ពុជា បានថយចុះ៦ភាគរយ ក្នុងរយៈពេល៩ ខែដំបូងនៃឆ្នាំ២០២៦។
អាជ្ញាធរមីនកម្ពុជា (CMAA) បានឱ្យដឹងថា ចាប់ពីខែមករា ដល់ខែកញ្ញា ប្រទេសកម្ពុជាមានករណីជនរងគ្រោះចំនួន ៣២ នាក់ ដែលចំនួននេះបានថយចុះពី៣៤ នាក់ ក្នុងរយៈពេលដូចគ្នាកាលពីឆ្នាំមុន។
ប្រភពបានបង្ហាញថា គិតមកទល់ពេលនេះ ក្នុងឆ្នាំនេះមានមនុស្ស ៧នាក់បានស្លា.ប់ ១៧ នាក់រងរបួស និង៨នាក់ទៀតត្រូវកាត់អវយវៈ ដោយសារការផ្ទុះមីន និងសំណល់ជាតិផ្ទុះពីសង្គ្រាម ។
ក្នុងចំណោមជនរងគ្រោះទាំងនោះមានបុរស២២នាក់ ក្មេងប្រុស៦នាក់ ស្ត្រី២នាក់ និងក្មេងស្រី ២ នាក់។
ប្រទេសកម្ពុជា នៅតែជាប្រទេសមួយក្នុងចំណោមប្រទេសដែលមានមីនច្រើនជាងគេបំផុតនៅលើពិភពលោក ដែលជាកេរដំណែលនៃជម្លោះប្រដាប់អាវុធរយៈពេល៣ ទសវត្សរ៍ ដែលបានបញ្ចប់ទៅនៅឆ្នាំ១៩៩៨ ។ គេប៉ាន់ប្រមាណថា មានមីន និងគ្រាប់មិនទាន់ផ្ទុះចំនួនពី ៤ ទៅ ៦លានគ្រាប់ ត្រូវបានបន្សល់ទុក។
ទិន្នន័យពីអាជ្ញាធរមីនកម្ពុជា បង្ហាញថា ចាប់ពីឆ្នាំ១៩៧៩ ដល់ខែកញ្ញា ឆ្នាំ២០២៦ គ្រាប់ទាំងនេះបានឆក់យកជីវិតមនុស្សចំនួន១៩.៨៥២ នាក់ និងបណ្តាលឱ្យមនុស្ស ៤៥.៣០៥ នាក់ផ្សេងទៀតរងរបួស ឬត្រូវកាត់អវយវៈ ប៉ុន្តែកម្ពុជាប្តេជ្ញាបោសសំអាតឲ្យអស់នៅត្រឹមឆ្នាំ២០៣៥ ៕
ចែករំលែកព័តមាននេះ