ពួកប៉ាឡេស្ទីននឹងដាក់សំណើមួយជូនចំពោះអគ្គលេខាធិការអ.ស.ប លោកបាន គីមូន នាថ្ងៃទី២០ កញ្ញា ខាងមុខនេះក្នុងថ្ងៃបើកមហាសន្និបាតអ.ស.បនៅក្រុងញ៉ូវយ៉កសុំចូលជាសមាជីកអ.ស.ប។ រដ្ឋមន្ត្រីការបរទេសប៉ាឡេស្ទីន លោករីយ៉ាដ អាល់ម៉ាលីគីថ្លែងកាលពីថ្ងៃទី១៣ សីហា ថា ពេលនេះវាក្លាយជាផ្លូវការហើយ ដោយពលរដ្ឋប៉ាឡេស្ទីន
ពួកប៉ាឡេស្ទីននឹងដាក់សំណើមួយជូនចំពោះអគ្គលេខាធិការអ.ស.ប លោកបាន គីមូន នាថ្ងៃទី២០ កញ្ញា ខាងមុខនេះក្នុងថ្ងៃបើកមហាសន្និបាតអ.ស.បនៅក្រុងញ៉ូវយ៉កសុំចូលជាសមាជីកអ.ស.ប។ រដ្ឋមន្ត្រីការបរទេសប៉ាឡេស្ទីន លោករីយ៉ាដ អាល់ម៉ាលីគីថ្លែងកាលពីថ្ងៃទី១៣ សីហា ថា ពេលនេះវាក្លាយជាផ្លូវការហើយ ដោយពលរដ្ឋប៉ាឡេស្ទីននឹងដាក់សំណើសុំចូលជាសមាជិកពេញលេញរបស់អ.ស.បនាថ្ងៃទី២០ កញ្ញា ខាងមុខនេះ។
សំណើនោះនឹងប្រគល់ជូនអគ្គលេខាធិការអ.ស.ប លោកបាន គីមូន នាថ្ងៃបើកមហាសន្និបាតអ.ស.បនៅក្រុងញូវយ៉ក។ ពលរដ្ឋប៉ាឡេស្ទីនចង់ឱ្យទទួលបានការចូលជាសមាជិកពេញសិទ្ធិរបស់អ.ស.ប និងការទទួលស្គាល់ប៉ាឡេស្ទីនក្នុងព្រំដែនខែមិថុនា ឆ្នាំ១៩៦៧ មុនសង្គ្រាម៦ថ្ងៃពោលរួមមានតំបន់ស៊ីសហ្ស៊កដានី ជ្រោយហ្គាហ្សា និងក្រុងហ្សេរុយសាឡឹមខាងកើត។
សហរដ្ឋអាមេរិកបានប្រឆាំងចំពោះសំណើមួយបែបនេះដែលទទួលការគាំទ្រពីប្រទេសជាច្រើន។ ប្រទេសជាង១០០ត្រៀមទទួលស្គាល់ប៉ាឡេស្ទីនជារដ្ឋឯករាជ្យមួយ។ ម្យ៉ាងទៀតធនាគារពិភពលោក IMF និងអ.ស.បក្នុងរបាយការណ៍៣ចេញផ្សាយកាលពីនិទាឃរដូវកន្លងមកនេះអះអាងថា នាយករដ្ឋមន្ត្រីប៉ាឡេស្ទីនលោកសាឡាម ហ្វៃយ៉ាក អាចបង្កើតស្ថាប័ននយោបាយនានាដែលចាំបាច់សម្រាប់បង្កើតរដ្ឋប៉ាឡេស្ទីនមួយ ៕
ចែករំលែកព័តមាននេះ