ខេត្តកំពង់ស្ពឺ ៖ ថ្ងៃទី១៧ ខែតុលា ឆ្នាំ២០២៦ លើផ្លូវជាតិលេខ៥១ គីឡូម៉ែត្រលេខ (២១-២២) ត្រង់ចំណុចភូមិត្រពាំងផ្លុង ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ មានរថយន្ត១គ្រឿង បើករេចង្កូតធ្លាក់ផ្លូវ (រថយន្តម៉ាក NISSAN ពណ៌ស ស្លាកលេខ កំពង់ស្ពឺ 3A-2661 បើកបរដោយឈ្មោះ ណាវ ភឿង ភេទប្រុស អាយុ៦០ឆ្នាំ មុខរបរបើកបររថយន្ដ រួមដំណើរជាមួយមនុស្ស២នាក់ ត្រូវជាចៅ មានទីលំនៅផ្ទះគ្មានលេខ ភូមិភ្លូផ្អែម សង្កាត់គោករកា ខណ្ឌព្រែកព្នៅ រាជធានីភ្នំពេញ ។
បើតាមស្នងការដ្ឋាននគរបាលខេត្តកំពង់ស្ពឺ បានឲ្យដឹងថា មុនកើតហេតុរថយន្ដបើកបរក្នុងទិសដៅពីត្បួងទៅជើង មានដឹករថយន្ត ម៉ាកTOYOTA HIGH LANDER ពណ៍ខៀវចាស់ ស្លាកលេខ ភ្នំពេញ2AM-3402 លុះបើកបរមកដល់ចំណុចខាងលើ រថយន្ដបានរេចង្កូតទៅខាងឆ្វេងដៃបណ្ដាលឱ្យរថយន្ដធ្លាក់ចូលប្រឡាយទឹក ។ មូលហេតុ អ្នកបើកបររថយន្ដមានអាការៈគាំងបេះដូង(ស្លាប់) ។
ក្រោយហេតុការណ៍ សមត្ថកិច្ចនគរបាលស្រុកសាមគ្គីមុនីជ័យ បានចុះអន្ដរាគមន៍ ដោយបានពិនិត្យ និងបានធ្វើការប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ