អភិបាលរដ្ឋតិចសាស់ លោក RICK PERRY ប្រកាសកាលពីថ្ងៃទី១៣ សីហា ថា លោកនឹងឈរឈ្មោះជាបេក្ខជនក្នុងការសម្រាំងបេក្ខជនប្រធានាធិបតីនៃគណបក្សសាធារដ្ឋសម្រាប់ការបោះឆ្នោតប្រធានាធិបតីអាមេរិកឆ្នាំ២០១២ ហើយលោកបានធ្វើការវាយប្រហារយ៉ាងខ្លាំងប្រឆាំងប្រធានាធិបតីនៃគណបក្សប្រជាធិបតេយ្យលោកបារ៉ាក់ អូបាម៉ា ។
ក្នុងសេចក្តីប្រកាសមួយ លោក RICK PERRY និយាយថា ដល់ពេលជំរុញអាមេរិកឱ្យមានការងារធ្វើហើយ។ ប្រការនេះរួមជាមួយនឹងការគាំទ្ររបស់គ្រួសារខ្ញុំ និងបណ្តាលមនុស្សមានចិត្ត ថ្លើមនៅអាមេរិក ទើបខ្ញុំសូមប្រកាសនាពេលនេះពីបេក្ខភាពរបស់ខ្ញុំសម្រាប់ប្រកួតយកតំណែងប្រធានាធិបតីសហរដ្ឋអាមេរិក។
ក្នុងសុន្ទរកថាមួយ បន្ទាប់ពីនេះនៅមុខពួកអភិរក្សនិយមប្រមាណជា៧០០នាក់នៅរដ្ឋការ៉ូលីនខាងត្បូង លោក RICK PERRY បានលើកឡើងពីលទ្ធផលសម្រេចបានក្នុងរដ្ឋតិចសាស់ខាងការបង្កើតការងារ ហើយលោកបានសន្យាពីការកាត់បន្ថយពន្ធ និងពីតួនាទីជាសាកលរបស់រដ្ឋាភិបាលក្នុងជីវភាពប្រចាំថ្ងៃរបស់ពលរដ្ឋអាេមរិក។
ដោយចោទប្រកាន់លោកបារ៉ាក់ អូបាម៉ា ថា ធ្វើឱ្យប៉ះពាល់ដល់តួនាទីរបស់សហរដ្ឋអាមេរិក លើពិភពលោក ដោយសារនយោបាយសេដ្ឋកិច្ច ដែលជួបគ្រោះមហន្តរាយ និងនយោបាយការបរទេសដែលគ្មានការទាក់ទាញ អភិបាលរដ្ឋរូបនេះ និយាយថា បណ្តាអ្នកដឹកនាំក្រុងវ៉ាស៊ីនតោនពុំមានសេចក្តីក្លាហាន និងថា លោកអូបាម៉ា បានធ្វើឱ្យយើងធ្លាក់ក្នុងការរងទុក្ខធំ ដោយពុំបានសម្រាលវាឡើយ ។ លោកថា លោកប្រធានាធិបតីទុកឱ្យយើងនិយាយរឿងមួយប្រាប់លោក។ លោកនឹងពុំអាចទទួលបានអាណត្តិមួយទៀត ដោយលក់អាមេរិកឱ្យបណ្តាម្ចាស់បំណុលបរទេសឡើយ ៕
ចែករំលែកព័តមាននេះ