សន្តិសុខម្នាក់កំពុងដេកចុចទូរស័ព្ទ ស្រាប់តែមានជន២នាក់បម្រុងប្ល.ន់យកទូរស័ព្ទ ផ្អើលក្រោយផ្សារសុវណ្ណា
- ភ្នំពេញ
រាជធានីភ្នំពេញ ៖ ជនសង្ស័យម្នាក់ ត្រូវបានប្រជាពលរដ្ឋនាំគ្នាព្រួតចាប់ប្រគល់ឲ្យនគរបាលរដ្ឋបាលទំនប់ទឹក សួរនាំ បន្ទាប់ពីជនសង្ស័យរូបនោះ បានធ្វើសកម្មភាពចាក់បុរសជាសន្តិសុខម្នាក់បំរុងប្លន់យកទូរស័ព្ទ តែមិនបានសម្រច នៅវេលាម៉ោង ១០និង៣០នាទីយប់ ថ្ងៃទី១៣ខែតុលាឆ្នាំ២០២៦ នៅក្រោយអតីតផ្សារទំនើបសុវណ្ណា ផ្លូវ១៩៩ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
ប្រភពព័ត៌មានពីជនរងគ្រោះជាសន្តិសុខឯកជនបានអោយដឹងថា មុនកើតហេតុ គាត់បានដេកចុចទូរស័ព្ទ ស្រាប់តែមានជនសង្ស័យចំនួន២នាក់ បានមកធ្វើសកម្មភាពយកកាំបិតចាក់ប្លន់យកទូរស័ព្ទបានហើយ ក៏នាំគ្នារត់គេច តែពេលនោះ ដោយសារតែគាត់រងរបួសតិចតួច ក៍បានដេញតាមជនសង្ស័យ ជាមួយពលរដ្ឋ ទើបឃាត់ខ្លួនបានជនសង្ស័យម្នាក់ និងយកទូរស័ព្ទបានមកវិញ ។
ក្រោយកើតហេតុ ជនសង្ស័យ និងជនរងគ្រោះ រួមទាំងវត្ថុតាង ត្រូវបានសមត្ថកិច្ចមូលដ្ឋាននាំយកទៅសាកសួរ និងដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទំនប់ទឹក ដើម្បីអនុវត្តតាមនីតិវិធី៕


ចែករំលែកព័តមាននេះ