ត្រឹម១សប្តាហ៍ក្នុងរដូវភ្ជុំបិណ្ឌ ខេត្តកំពង់ស្ពឺទទួលបានភ្ញៀវទេសចរជាង១១ម៉ឺននាក់
- កំពង់ស្ពឺ
ខេត្តកំពង់ស្ពឺ ៖ ភ្ញៀវទេសចរជាតិ និងអន្តរជាតិ មកលេងកម្សាន្តតាមរមណីយដ្ឋាន សហគមន៍ទេសចរណ៍នានា និងស្នាក់នៅ ក្នុងរដូវបុណ្យភ្ជុំបិណ្ឌ ក្នុងភូមិសាស្ត្រខេត្តកំពង់ស្ពឺប្រមាណជាង១១ម៉ឺននាក់។ នេះបើយោងតាមរបាយការណ៍របស់មន្ទីរទេសចរណ៍ខេត្តកំពង់ស្ពឺ នៅថ្ងៃទី១៣ ខែតុលា ឆ្នាំ២០២៦។
របាយការណ៍របស់មន្ទីរទេសចរណ៍ខេត្តកំពង់ស្ពឺដដែល នារដូវបុណ្យភ្ជុំបិណ្ឌ ចាប់ពីថ្ងៃទី៥ ខែតុលា ដល់ថ្ងៃទី១២ ខែតុលា ឆ្នាំ២០២៦។
ភ្ញៀវទេសចរសរុបចំនួន១១៤,៩៧០នាក់ ក្នុងនោះរួមមាន ៖
១- ភ្ញៀវទេសចរជាតិ និង អន្តរជាតិ(ស្នាក់នៅ) ចំនួន៤,៨២៥នាក់
២- ភ្ញៀវទេសចរ និងប្រជាពលរដ្ឋ ដើរកម្សាន្តវិលល្ងាច មានចំនួន ១០៩,៤៧៥នាក់
៣- ទេសចរបរទេសមានចំនួន ៦៧០នាក់ផងដែរ។
ចំនួននេះបានសបញ្ជាក់ឱ្យឃើញពីភាពទាក់ទាញខ្លាំងឡើងៗនៃសក្តានុពលទេសចរណ៍ក្នុងខេត្តកំពង់ស្ពឺ ដែលបន្តទទួលបានការគាំទ្រយ៉ាងផុសផុលពីសំណាក់ភ្ញៀវទេសចរទាំងជាតិ និងអន្តរជាតិ ក្នុងការសម្រាកលំហែកាយនាថ្ងៃឈប់សម្រាក និងក្នុងឱកាសពិធីបុណ្យភ្ជុំបិណ្ឌ។
ចំពោះសន្តិសុខសណ្តាប់ធ្នាប់ អាជ្ញាធរមានសមត្ថកិច្ចប្រចាំការ និង មានលក្ខណៈល្អប្រសើរ ចំណែកម្ហូបអាហារដែលលក់ដូរនៅតាមសហគមន៍ និងតំបន់ទេសចរណ៍ផ្សេងៗ មានតម្លៃសមរម្យ៕
ចែករំលែកព័តមាននេះ