ខេត្តព្រះសីហនុ ៖ អនុវត្តតាមបទបញ្ជាដឹកនាំរបស់ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងដោយមានការសម្របសម្រួលនីតិវិធីពីលោក ទី មុនិន្ទ ព្រះរាជអាជ្ញារង នៃអយ្យការអមសាលាដំបូងខេត្ត នៅថ្ងៃទី៨ ខែតុលា ឆ្នាំ២០២៦ វេលាម៉ោង០៨និង៣០នាទី កម្លាំងជំនាញផែនការងារសន្តិសុខ នៃស្នងការនគរបាលខេត្តព្រះសីហនុ បានចុះធ្វើការត្រួតពិនិត្យទៅលើកាមេរ៉ាសុវត្ថិភាព និងធ្វើការស្រាវជ្រាវរហូតដល់កំណត់មុខសញ្ញាបានចំនួន ០៣នាក់ ពាក់ព័ន្ធនឹងករណីលួចកាត់ខ្សែភ្លើង ស្ថិតនៅភូមិ៣ សង្កាត់៣ ក្រុង-ខេត្តព្រះសីហនុ ។
សម្ភារចាប់យករួមមាន ៖ ទូរសព្ទ, កូនរណារ, កាំបិតបត់, ញញួរ, កន្ទ្រៃ, សោបាឡុង និងឧបករណ៍ប្រើប្រាស់គ្រឿងញៀនមួយចំនួនទៀត ។
បច្ចុប្បន្ន ជនសង្ស័យខាងលើ ត្រូវបានកសាងសំណុំរឿងបញ្ជូនទៅអយ្យការអមសាលាដំបូងខេត្តព្រះសីហនុ ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ