ប្រុងប្រយ័ត្ន! ល្បិ.ចសុំខ្ចីលុយ និងបបួលរកស៊ី ចំណេញប្រាក់ស្រួលៗ នារីម្នាក់ចាញ់បោ.កតាមអនឡាញអស់២០លានរៀល
- ភ្នំពេញ
ខេត្តរតនគិរី ៖ ការិយាល័យប្រឆាំងបទល្មើសបច្ចេកវិទ្យានៃស្នងការដ្ឋាននគរបាលខេត្តរតនគិរី បានធ្វើការអំពាវនាវដល់ប្រជាពលរដ្ឋអោយ ប្រុងប្រយ័ត្ន ប្រសិនបើមានអ្នកស្នើសុំខ្ចីលុយ ឬវិនិយោគរកស៊ី ចំណេញបានប្រាក់ស្រួលៗ ព្រោះនេះជាល្បិចបោកប្រាស់ ។
ការអំពាវនាវនេះបានធ្វើឡើង បន្ទាប់ពីមាននារីរងគ្រោះម្នាក់បានចាញ់បោកតាមអនឡាញអស់២០លានរៀល បានរៀបរាបអំពីស្ថានភាពដែលខ្លួនបានចាញ់បោក ជនឆបោក និងវិធីសាស្ត្រមួយចំនួនក្នុងការលួងលោម ក្រោមរូបភាពទំនាក់ទំនងសុំរាប់អាន ស្នេហា និងសុំខ្ចីលុយ ដើម្បីឆបោកលុយ។
តាមការិយាល័យប្រឆាំងបទល្មើសបច្ចេកវិទ្យានៃស្នងការដ្ឋាននគរបាលខេត្តរតនគិរី បានអោយដឹងបន្តថា ដោយអនុវត្តតាមបទបញ្ជារបស់លោកឧត្តមសេនីយ៍ទោ អ៊ុង សុភាព ស្នងការនៃស្នងការដ្ឋាននគរបាលខេត្តរតនគិរី ,ការិយាល័យប្រឆាំងបទល្មើសបច្ចេកវិទ្យា បានអនុញ្ញាតអោយជនរងគ្រោះ រៀបរាបអំពីស្ថានភាពដែលខ្លួនបានចាញ់បោកជនឆបោកនិងវិធីសាស្ត្រមួយចំនួនក្នុងការលួងលោមក្រោមរូបភាពទំនាក់ទំនងសុំរាប់អាន ដើម្បីឆបោកលុយ។
សូមប្រជាពលរដ្ឋប្រុងប្រយ័ត្ន ប្រសិនបើមានអ្នកស្នើសុំខ្ចីលុយ ឬវិនិយោគរកស៊ី ចំណេញបានប្រាក់ស្រួលៗ សូមពិចារណាជាមុនសិន៕
ចែករំលែកព័តមាននេះ