ADផ្ទាំងផ្សព្វផ្សាយពាណិជ្ជកម្ម

Picture

ភ្ជុំ​​បិណ្ឌ​ឆ្នាំ​នេះ​! វត្ត​កោះ​កេ​ត​អូរ​ប្រាសាទ ក្នុងខេត្តបន្ទាយមាន​ជ័យ ​ពុទ្ធ​បរិ​ស័​ទចូលរួម​ធ្វើបុណ្យ​ច្រើន​ខុស​ពី​ឆ្នាំ​មុន

1 ខែ មុន
  • បន្ទាយមានជ័យ

ខេត្ត​បន្ទាយ​មាន​ជ័យ​ ៖ ​ក្នុង​ឱកាស​បុណ្យ​ភ្ជុំ​បិ​ណ្ឌឆ្នាំ​នេះ​ គេសង្កេត​ឃើញ​ពុទ្ធ​បរិ​ស័​ទ្ធ​ចូលរួម​ធ្វើបុណ្យ​ច្រើន​ខុស​ពី​ឆ្នាំ​មុន​ជាក់ស្តែង​នៅ​វត្ត​កោះ​កេ​ត​អូរ​ប្រាសាទ ​ឃុំ​អូរ​ប្រាសាទ ស្រុក​មង្គល​បូ​រី ខេត្តបន្ទាយមានជ័យ​ មានពុទ្ធបរិស័ទមកធ្វើបុណ្យយ៉ាងច្រើនកុះករ ។

ព្រៈ​តេជគុណ ណ​ម យ៉ា ចៅអធិការ​វត្ត​កោះ​កេ​ត​អូរ​ប្រាសាទ​ មាន​សង្ឃ​ដីកាថា​ ​ក្នុង​ឱ​ការ​បុណ្យ​ភ្ជុំ​បិ​ណ្ឌ​ឆ្នាំ​២០២៦​ សង្កេត​ឃើញ​ថា​មាន​ពុ​ទ្ឌ​បរិ​ស័​ទ្ធ​បាន​ចូលរួម​ច្រើន​ខុស​ពី​ឆ្នាំ​២០២៥ ​។

ព្រះ​​តេជគុណ​មាន​សង្ឃ​ដីកា​បញ្ជាក់​ថា​ ​ក្នុង​ឱកាស​បុណ្យ​ភ្ជុំ​មាន​រយៈពេល​១៥​ថ្ងៃ​ ​ពុទ្ធ​បរិ​ស័​ទ្ធ​បានចូលរួម​​ពិធី​កាន់​វេ​ន​​តាម​បែប​ប្រពៃណី​ព្រះពុទ្ធ​សាសនា​ដែល​ចាប់ពី​ថ្ងៃ​១ រោច ខែភទ្របទ រហូត​ដល់​ថ្ងៃ​១៥​រោច ខែភទ្របទ ឆ្នាំមមី ត្រូវ​ថ្ងៃ​ទី​១១ ខែតុលា ឆ្នាំ​២០២៦​ថ្ងៃ ជា​បុណ្យ​ភ្ជុំបិណ្ឌ ពុ​ទ្ឌ​បរិ​ស័​ទប្រ​គេន​​ចង្ហាន់​ជូន​ព្រះស​ង្ឃ និង​សម្តែងធម៌​ទេសនា កាន់​វេន​រយៈពេល​១៤​ថ្ងៃ​ ពេល​យប់​សម្តែងធម៌​សូត្រ​​បរាភវសូត្រ​ និង​បោះ​បាយបិណ្ឌ​។

ព្រៈ​តេជគុណ ណ​ម យ៉ា ស​ង្ឃដីកា ​បន្ត​ថា ​ក្រោយ​បុណ្យ​ភ្ជុំបិណ្ឌ​ត្រូវ​បាន​បញ្ចប់​ភ្លាម​ៗ ​គណៈកម្មការ​និង​អាចារ្យវត្ត​ទទួល​បាន​ពី​ពុទ្ធ​បរិ​ស័​ទ្ធ​ដូច​វត្ត​កោះ​កេ​ត​អូរ​ប្រាសាទ​ មាន​នំ​អ​ន្សម​៤​កា​រុ​ង ​និង​ទឹកបរិសុទ្ធ​ជាង​៥០០​យួរ​ និង​អង្ក​រួម​ទាំង​ប​ច្ច័យមួយ​ចំនួន​ត្រូវ​បាន​យក​ចែក​ជូន​ដល់​កម្លាំង​ជួរ​មុខ​ទិស​តំបន់​បឹង​ត្រកួន ជោគជ័យ និង​ព្រៃ​ចាន់ ការ​រួមចំណែក​ជួយ​ដល់​កម្លាំង​ជួរ​មុខ​ដែល​កំពុង​ការពារ​អធិបតេយ្យភាព​និង​បូរណភាព​ទឹកដី ​៕