អ្នកសារព័ត៌មាន៤រូប ត្រូវបានដោះលែង ឱ្យមានសេរីភាពឡើងវិញហើយ
- បន្ទាយមានជ័យ
ខេត្តបន្ទាយមានជ័យ ៖ អ្នកសារព័ត៌មានចំនួន៤រូបត្រូវបានដោះលែងចេញពីពន្ធនាគារ មុនថ្ងៃបុណ្យភ្ជុំបិណ្ឌ ក្រោយថ្នាក់ដឹកនាំជួយអន្តរាគមន៍អោយមានសេរីភាពវិញ។
លោក សេក សុខុម ប្រធានមន្ទីព័ត៌មានខេត្តបន្ទាយមានជ័យ បានឱ្យដឹងនាថ្ងៃទី១២ ខែតុលា ឆ្នាំ២០២៦ នេះថា អ្នកសារព័ត៌មានចំនួន៤រូបត្រូវបានដោះលែងចេញពីពន្ធនាគារអោយមានសេរី ភាពវិញហើយកាលពីថ្ងៃទី៨ ខែតុលា ឆ្នាំ២០២៦ មុនថ្ងៃបុណ្យភ្ជុំបិណ្ឌ ក្រោយមានការអន្តរាគមន៍ពីថ្នាក់ដឹកនាំប្រចាំការនៅខេត្តបន្ទាយមានជ័យ។
លោកបានបញ្ជាក់ថា កាលពីថ្ងៃទី០៣ ខែតុលា ឆ្នាំ២០២៦ នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត មានអ្នកសារព័ត៌មានចំនួន៤រូប ក្រោយសមត្ថកិច្ចហៅមកសម្របសម្រួលត្រូវបានឃាត់ខ្លួនបញ្ជូនទៅសាលាដំបូងខេត្តបន្ទាយមានជ័យបានអនុវត្តតាមនីតិវិធីច្បាប់បញ្ជូនទៅដាក់ពន្ធនាគារខេត្តបន្ទាយមានជ័យកាលពីថ្ងៃទី៤ ខែតុលា ឆ្នាំ២០២៦ ដែលចោទប្រកាន់ករណីជម្លោះបង្កហឹង្សានិងរបួសស្នាម។
លោក សេក សុខុម បានអគុណចំពោះថ្នាក់ដឹកនាំដែលបានអន្តរាគមន៍ជួយដល់អ្នកសារ ព័ត៌មានចំនួន៤រូបអោយចេញពីពន្ធនាគារមានសេរីភាពឡើងវិញក្នុងនោះមានអ្នកសារព័ត៌ម្នាក់មុនចេញពីពន្ធនាគារត្រូវជីដូនបានទទួលមរណភាព បានចេញមកទាន់ថ្ងៃបុណ្យ ។ ជាចុងក្រោយ ក្នុងនាមប្រធានមន្ទីព័ត៌មានខេត្តបន្ទាយមានជ័យ សំណូមពរដល់អ្នកសារព័ត៌មានក្នុងខេត្តត្រូវអនុវត្តន៍តាមក្រមសីលធម៌និងវិជ្ជាជីវៈអោយបានត្រឹមត្រូវក្នុងនាមជាអ្នកនាំសារ៕

ចែករំលែកព័តមាននេះ