ADផ្ទាំងផ្សព្វផ្សាយពាណិជ្ជកម្ម

Picture

ទំនប់​ក.ប់​សេះ​ ពី​ប្រព័ន្ធ​ធារាសាស្ត្រ​ស្ទាក់​ទឹកសម្រាប់បង្ក​បង្កើន​ផល ក្លាយ​ទៅ​ជា​រមណីយដ្ឋាន​ទេស​ចរណ៍​ដ៍​ទាក់ទាញ

1 ខែ មុន
  • កំពង់ឆ្នាំង

ខេត្តកំពង់ឆ្នាំង ៖ ទំនប់​កប់​សេះ ដែល​កាល​ដើម​ឡើយ​ជា​កន្លែង​ធារាសាស្ត្រ​ស្ទាក់​ទឹក​សម្រាប់​ឲ្យ​ប្រជាពលរដ្ឋ​បង្កបង្កើត​ផល ប៉ុន្តែ​ប៉ុន្មាន​ឆ្នាំ​ចុង​ក្រោយ​នេះ​បាន​ក្លាយទៅជា​រមណីយដ្ឋាន​ដ៍​ទាក់ទាញ​និង​មាន​ភ្ញៀវ​ទេសចរទៅ​លេង​កម្សាន្ត​យ៉ាងច្រើន​កុះករ ពិសេស​ក្នុង​ឱកាស​បុណ្យកាន់បិណ្ឌ​និង​ភ្ជុំបិណ្ឌ​នេះ​។ ទីតាំង​នេះ​ស្ថិត​នៅ​ក្នុងភូមិ​ឈូក​ក្រញាស់ ឃុំ​ឈូកស ស្រុក​កំពង់ត្រឡាច ដែល​មាន​ចម្ងាយ​ជាង ២០​គីឡូម៉ែត្រ​ពី​ទីរួមខេត្ត​កំពង់ឆ្នាំង​។

មន្ត្រី​នៃ​មន្ទីរ​ធនធានទឹក​និង​ឧតុនិយម​ខេត្តកំពង់ឆ្នាំង លក្ខខណ្ឌ​មិន​បញ្ចេញ​ឈ្មោះ​បាន​ឲ្យ​ដឹង​ថា​ការ​ដើម​ឡើយ ក្នុង​សម័យ​រដ្ឋ​កម្ពុជា ទំនប់​នេះ​ត្រូវ​បាន​កសាង​ឡើង​ដើម្បី​ស្ទាក់​ទឹក​សម្រាប់​បងប្អូន​ប្រជាពលរដ្ឋ​ធ្វើស្រែ ដែល​កាលនោះ ធ្វើ​ទំនប់​និង​ជីក​ប្រឡាយ​ដោយ​ដៃ ប្រជាពលរដ្ឋ ជា​របប​ដូរ​អង្ករ គឺ​អ្នកចូលរួម​ធ្វើ​ពលកម្ម ជីក​ប្រឡាយ​លើក​ទំនប់​នេះ បាន​ទទួល​របប​អង្ករ ។ លុះ​ក្រោយមក​ទៀត​បាន​វិ​វឌ្ឍន៍​ម្ដង​បន្តិច​ៗ រហូត​ក្លាយទៅជា​សំណង់​ធារាសាស្ត្រ រឹង​មាំ ធ្វើ​ដោយ​គ្រឿងចក្រ ក្នុង​ការ​ស្ទាក់​ទឹក សម្រាប់​បង្កបង្កើន​ផល ។

បច្ចុប្បន្ន​ទំនប់​កប់​សេះ​បាន​ក្លាយទៅជា​រមណីយដ្ឋាន​ដល់​ទាក់ទាញ​រាប់​ភ្ញៀវ​ទេសចរណ៍​ជាតិ​អន្តរជាតិ​ទៅ​លេង​កម្សាន្ត​ក្នុង​ឱកាស​បុណ្យ​ទាន​ពិសេស​បុណ្យ​ភ្ជុំបិណ្ឌ ក្នុង​ខែវស្សា ។​ដោយឡែក​ខែប្រាំង​គ្មាន​ទឹក មិន​មាន​ភ្ញៀវ​ទេសចរទៅ​លេងកម្សាន្ត​នោះ​ទេ​។

ភ្ញៀវ​ដែល​ទៅ​លេង​កំសាន្ត​នៅ​ទីនោះ​គឺ​អង្គុយ​លេង​ពិសារ​អាហារ ភេសជ្ជៈ តាម​ក្រោម​ដើមឈើ តាម​តូប​លក់ដូរ នឹក​ខ្លះ ចុះ​លេង​ទឹក​កម្សាន្ត​ ដោយឡែក​ខ្លះ​ទៀត បាន​ជិះ​ម៉ូតូ គោ​យន្ត ឆ្លង​លើ​ទំនប់​បង្ហៀរទឹក ពី​ម្ខាង​ទៅ​ម្ខាង ក្នុង​ការ​កំសាន្ត​លេង​ផង​ដែរ​។ មន្ត្រី​មូលដ្ឋាន​នៅ​ទីនោះ ​រួម​ទាំង​សមត្ថកិច្ច​នគរបាល ក៏​បាន​សហការ​គ្នា​ថែរក្សា​សន្តិសុខ​សណ្ដាប់ធ្នាប់​យ៉ាង​ល្អ​ប្រសើរ​ទៀត​ផង​​ ៕​