ភ័យរន្ធ.ត់កណ្តាលអធ្រាត្រ ! ព្រះអគ្គីលេបត្របាក់ផ្ទះឈើ ២ខ្នង អស់គ្មានសល់ នៅក្រុងបាត់ដំបង ចំថ្ងៃភ្ជុំបិណ្ឌធំ
- បាត់ដំបង
ខេត្តបាត់ដំបង ៖ លំនៅឋានចំនួន០២ខ្នង ត្រូវបានព្រះអគ្គីលេបយកអស់គ្មានសល់ កាលពីវេលាមោ់ង០០និង៤០នាទីរំលងអធ្រាត្រ ឈានចូលថ្ងៃទី១១ ខែតុលានេះ នៅភូមិដាំស្ពៃ សង្កាត់ស្លាកែត ក្រុងបាត់ដំបង ដែលគេមិនទាន់ដឹងពីមូលហេតុច្បាស់លាស់នៅឡើយ ។
លំនៅឋានទាំង០២ខ្នងនោះ មួយខ្នងមានទំហំ ៥ម៉x៧ម៉ ធ្វើពីឈើប្រក់ស័ង្កសី ដែលមានម្ចាស់ឈ្មោះ មាស សំណាង ភេទប្រុស អាយុ២៥ឆ្នាំ ឆេះអស់ទាំងស្រុង រួមទាំងទ្រព្យសម្បត្តិនៅក្នុងផ្ទះផង និងមួយខ្នងទៀតមានទំហំ ៥ម៉x១០ម៉ ធ្វើពីឈើប្រក់ស័ង្កសីដូចគ្នា ដែលមានម្ចាស់ឈ្មោះ ថូ ភេទប្រុស អាយុ២៦ឆ្នាំ ឆេះអស់ទាំងស្រុងដូចគ្នា រួមទាំងព្រទ្យសម្បត្តិនៅក្នុងផ្ទះផង ។
យោងតាមរបាយការណ៍សមត្ថកិច្ចអគ្គិភ័យនេះ ផ្ដើមដំបូងចេញឈ្មោះ មាស សំណាង ដែលស្ថិតនៅក្បែរគ្នា ។ រថយន្តពន្លត់អគ្គិភ័យរបស់សមត្ថកិច្ចចំនួន០៤គ្រឿង បានចេញអន្តរាគមន៍ ប៉ុន្តែមិនអាចជួយសង្គ្រោះផ្ទះទាំង០២ខ្នងនោះបានទេ បានត្រឹមជួយបាញ់ទប់ស្កាត់មិនឲ្យឆេះរាលដាលឆ្លងទៅកាន់ផ្ទះរាប់សិបខ្នងទៀត ដែលនៅក្បែរៗគ្នានោះ ។
បើនិយាយពីមូលហេតុវិញ សមត្ថកិច្ចហាក់មិនទាន់ធ្វើការសន្និដ្ឋានបានទេ ព្រោះកំពុងសួរនាំម្ចាស់ផ្ទះ ដែលផ្ដើមពីដំបូង ។
សូមបញ្ជាក់ថា អគ្គិភ័យដ៏មហន្តរាយនេះ បានកើតឡើងនៅពាក់កណ្ដាលអធ្រាត្រ ចំថ្ងៃបុណ្យភ្ជុំបិណ្ឌធំ ទើបឈានចូលបានជាងកន្លះម៉ោងប៉ុណ្ណោះ ហើយគ្រានោះក៏មានភ្លៀងធ្លាក់ដែរ ។ អ្នកភូមិរាប់រយនាក់បានប្រឹងប្រែងជាមួយកម្លាំងសមត្ថកិច្ច ដើម្បីជួយពន្លត់ភ្លើងដ៏សន្ធោសន្ធៅ តែមិនអាចជួយសង្គ្រោះលំនៅឋានទាំង០២ខ្នងនោះបានឡើយ បានត្រឹមតែជួយទប់ស្កាត់មិនឲ្យភ្លើងឆេះរាលដាលទៅកាន់លំនៅឋានរាប់សិបខ្នងទៀត ដែលនៅក្បែរៗគ្នា ។ ពេលនេះមន្ត្រីជំនាញ កំពុងធ្វើការសាកសួរម្ចាស់ផ្ទះ ដើម្បីរកមូលហេតុ ដែលនាំឲ្យមានអគ្គិភ័យនេះកើតឡើង៕
ចែករំលែកព័តមាននេះ