លោកស្រីនាយករដ្ឋមន្ត្រីយីងឡាក់ ស៊ីណាវ៉ាត្រា បានច្រានចោលពាក្យចចាមអារ៉ាមថា ក្រសួងការបរទេសកំពុងចាត់ចែងប្រគល់លិខិតឆ្លងដែនការទូតដល់បងប្រុសរបស់លោកស្រី គឺលោកថាក់ស៊ីន ស៊ីណាវ៉ាត្រា ដែលត្រូវបានកងទ័ពធ្វើរដ្ឋប្រហារទម្លាក់ពីអំណាចនាយករដ្ឋមន្ត្រីកាលពីឆ្នាំ២០០៦។ លោកស្រីមានប្រសាសន៍ថា
លោកស្រីនាយករដ្ឋមន្ត្រីយីងឡាក់ ស៊ីណាវ៉ាត្រា បានច្រានចោលពាក្យចចាមអារ៉ាមថា ក្រសួងការបរទេសកំពុងចាត់ចែងប្រគល់លិខិតឆ្លងដែនការទូតដល់បងប្រុសរបស់លោកស្រី គឺលោកថាក់ស៊ីន ស៊ីណាវ៉ាត្រា ដែលត្រូវបានកងទ័ពធ្វើរដ្ឋប្រហារទម្លាក់ពីអំណាចនាយករដ្ឋមន្ត្រីកាលពីឆ្នាំ២០០៦។ លោកស្រីមានប្រសាសន៍ថា រដ្ឋាភិបាលមិនមានគោលនយោបាយក្នុងការចូលធ្វើអន្តរាគមន៍ ជាមួយក្រសួងការបរទេសដើម្បីចាត់ចែងប្រគល់និងដកហូតលិខិតឆ្លងដែនការទូតឡើយ។
លោករដ្ឋមន្ត្រីការបរទេស Surapong Towijakchaikul និយាយថា រូបលោកមិនដឹងអ្វីទាំងអស់ចំពោះព័ត៌មានទាំងនោះ ហើយរូបលោកទៀតសោតមិនទាន់បានចាប់ផ្តើមចូលធ្វើការក្នុងការិយាល័យរដ្ឋមន្ត្រីនៅឡើយទេ។ ប្រសិនបើក្រសួងពិតជាបានស្នើប្រគល់លិខិតឆ្លងដែនក្រហមដល់លោកថាក់ស៊ីន មែននោះគឺមានស្មុគ្រស្មាញហើយ។
ក្រសួងការបរទេសគ្មានអំណាចគ្រប់គ្រាន់ក្នុងការសំរេចចំពោះបញ្ហានេះទេ ព្រោះវាត្រូវ ពឹងផ្អែកលើសេចក្តីសំរេចជាច្រើនអំពីការផ្តន្ទាទោសលោកថាក់ស៊ីនកាលពីឆ្នាំ២០០៨ លើ បទ ពុករលួយពីប៉ូលិសរាជអាជ្ញា និងតុលាការ។ មានអង្គភាពចំនួន៣ដែលអាចបន្ថយទោសលោកថាក់ស៊ីនមុនពេលក្រសួងប្រគល់លិខិតឆ្លងដែនក្រហម ឱ្យទៅលោក។
ពាក្យចចាមអារ៉ាមនិយាយថា រដ្ឋាភិបាលកំពុងធ្វើជាមេអណ្តើកចំពោះផលប្រយោជន៍លោកថាក់ស៊ីន។
លោកSurapong ក្នុងជំនួបជាមួយឯអគ្គរាជទូតជប៉ុនរូប ប្រចាំទីក្រុងបាំងកកលោក Kojima បានសួរថា តើរដ្ឋាភិបាលថ្មីថៃនៅតែបន្តគោលនយោបាយដដែលតាមរដ្ឋាភិបាលចាស់ដែលហាមប្រាមលោកថាក់ស៊ីន ស៊ីណាវ៉ាត្រា ចូលប្រទេសជប៉ុន ឬយ៉ាងណា? លោកSurapong ឆ្លើយថា រដ្ឋាភិបាលថ្មីដែលដឹកនាំដោយគណបក្សភឿថៃ គ្មានគោលនយោបាយបែបនោះឡើយ ហេតុនេះ ស្ថានទូតជប៉ុនត្រូវធ្វើការសំរេចដោយខ្លួនឯងផ្ទាល់ទៅលើថា គួរតែផ្តល់វីហ្ស៊ាដល់លោកថាក់ស៊ីឬយ៉ាងណា។ រដ្ឋាភិបាលថ្មីមិនបង្ខំឱ្យស្ថានទូតជប៉ុនអនុញ្ញាតឱ្យលោកថាក់ស៊ីនចូលប្រទេសជប៉ុនឡើយ៕
ចែករំលែកព័តមាននេះ