នេះជាគម្រោងនាវាកម្សាន្តត្រូពីកាល់យ៉ាងទំនើបបំផុតមួយដែលគេរចនាដូចជាកូនកោះមួយដូច្នេះដែរ ដែលគេហៅថា កន្លែងកម្សាន្តនៃក្តីស្រមៃចល័ត។ នាវានេះពិតណាស់ គឺសម្រាប់បណ្តាមហាសេដ្ឋីមានប្រាក់ច្រើនដែលមិនរារែកឡើយក្នុងការទិញ ឬជួលនាវានេះជិះ។ នាវាកម្សាន្តនេះមានឈ្មោះថា TROPICAL ISLAND PARADISE ជានាវាដ៏មហាទំនើបដែលគេស្ទើរតែពុំជឿ។ វាជានាវាសំយោគមួយយ៉ាងល្អឥតខ្ចោះ រវាងកន្លែងកម្សាន្តនៃក្តីស្រមៃ និងនាវាយ៉ាងទំនើបបំផុត។
នៅលើនាវានេះមានទាំងដើមដូង បឹងកាឡូ អាងហែលទឹក បណ្តោយ៩០ម៉ែត្រ ភ្នំភ្លើងសិប្បនិមន្ត ទឹកធ្លាក់ ។ល។ អ្វីៗដែលមិនគួរឱ្យជឿបានមាននៅលើនាវានេះ ដែលប្រៀបដូចជាកូនកោះឋានសួគ៌មួយ។ នាវាដ៏អស្ចារ្យនេះ អាចបើកបានក្នុងល្បឿន១៥ NOEUDS ហើយអាចនាំលោកអ្នកទៅគ្រប់ទីកន្លែងនៃពិភពលោក ។ តម្លៃនៃគម្រោងនៅពុំទាន់ប្រកាសឱ្យដឹងនៅឡើយ ៕
ចែករំលែកព័តមាននេះ