ដើម្បីកាត់បន្ថយគ្រោះថ្នាក់ចរាចរណ៍! នគរបាលខេត្តសៀមរាប ចុះអប់រំច្បាប់ចរាចរណ៍និងចែកមួកសុវត្ថិភាពដល់ពលរដ្ឋ នៅរង្វង់មូលព្រះរាជដំណាក់
- សៀមរាប
ខេត្តសៀមរាប៖ នៅរសៀលថ្ងៃទី៧ ខែតុលា ឆ្នាំ២០២៦ នេះ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប បានចាត់កម្លាំងការិយាល័យនគរ បាលចរាចរណ៍ផ្លូវគោក ឱ្យចូលរួមសហការជាមួយមន្ទីរសាធារណការ និង ដឹកជញ្ជូនខេត្ត ចុះអប់រំផ្សព្វផ្សាយ ច្បាប់ស្តីពីចរាចរណ៍ផ្លូវគោក នៅត្រង់ចំណុចរង្វង់មូលព្រះរាជដំណាក់ ។
ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ឯកឧត្ដមនាយឧត្ដមសេនីយ៍ ស ថេត អគ្គស្នងការនគរបាលជាតិ ស្ថិតក្នុងភូមិមណ្ឌល១ សង្កាត់ស្វាយដង្គំ ក្នុងក្រុងសៀមរាប ដើម្បីពញ្ញាក់ស្មារតីដល់អ្នកប្រើប្រាស់ផ្លូវទាំងឡាយឱ្យយល់ដឹងអំពីផលប៉ះពាល់នៃគ្រោះថ្នាក់ចរាចរណ៍ និងត្រូវយកចិត្តទុកដាក់គោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួនសំដៅរួមគ្នាកាត់ បន្ថយគ្រោះថ្នាក់ចរាចរណ៍ ឱ្យមកនៅកម្រិត ទាប ដែលនេះគឺជាផ្នែកមួយដ៏សំខាន់ ដើម្បីឈានទៅចូលរួមលុបបំបាត់សកម្មភាពអនា ធិបតេយ្យនៃការធ្វើចរាចរណ៍តាមដងផ្លូវសាធារណៈ និងជំរុញការអនុវត្តច្បាប់ ឱ្យទទួលបានលទ្ធផលជាវិជ្ជមាន ។
លោកបានបន្ថែមថា ក្នុងនោះដែលក្រុមការងារក៏បានចែកជូននូវមួកការពារសុវត្ថិភាព សៀវភៅច្បាប់ ស្តីពីចរាចរណ៍ផ្លូវគោក ខិត្តប័ណ្ណជំនួយស្មារតី ស្ទីកឃ័រ ចំណាំងផ្លាត និងណែនាំនូវវិធានការនានាដើម្បីបញ្ចៀសពីហានិភ័យដោយគ្រោះថ្នាក់ចរាចរណ៍ផងដែរ ៕
ចែករំលែកព័តមាននេះ