សម្តេចបវរធិបតីទម្លាយថា រដ្ឋមន្ត្រីការបរទេសអាមេរិកបាននិយាយជាមួយថៃ និងស្នើឲ្យឈប់សកម្មភាពណាដែលបង្កើនកម្តៅ និងវាទទីយកទឹកដីកម្ពុជា
- ភ្នំពេញ
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា រដ្ឋមន្ត្រីការបរទេសសហរដ្ឋអាមេរិកបាន និយាយជាមួយរដ្ឋមន្ត្រីការបរទេសថៃ និងបានស្នើឲ្យថៃបញ្ឈប់សកម្មភាពណាដែលបង្កើនកម្តៅ និងជាសកម្មភាពដែលវាទទីយកទឹកដីរបស់កម្ពុជា ។
ថ្លែងក្នុងពិធីអបអរសាទខួប៨០ឆ្នាំ នៃការបង្កើតសាកលវិទ្យាល័យវិទ្យាសាស្ត្រសុខាភិបាល និងសម្ភោធអគាសិក្សាថ្មីចំនួន២ខ្នងព្រមទាំងប្រគល់សញ្ញាបត្រដល់និស្សិតនាព្រឹកថ្ងៃទី៧ ខែតុលា ឆ្នាំ២០២៦ សម្តេចធិបតីហ៊ុន ម៉ាណែត បានបញ្ជាក់យ៉ាងដូច្នេះថា៖«កាលពីបីថ្ងៃមុន ឧបការីទូតសហរដ្ឋអាមេរិកបាន មកជួបខ្ញុំបន្ទាន់ ដោយគាត់ថា ឥឡូវរដ្ឋមន្ត្រីការបរទេសអាមេរិក បាននិយាយជាមួយថៃហើយថា សុំឲ្យថៃឈប់សកម្មភាពណាដែលបង្កើនកម្តៅ ឈប់ធ្វើសកម្មភាពណាដែលបញ្ជាក់ថា ជាការវាទទីយកទឹកដីកម្ពុជា ហើយធ្វើយ៉ាងម៉េចរក្សាកិច្ចព្រមព្រៀងដែលចរចាជាមួយគ្នា ។ ដោយកិច្ចព្រមព្រៀងបានបញ្ជាក់ថា ភាគីទាំងត្រូវតែធ្វើការវាស់វែងតាមសន្ធីសញ្ញា កិច្ចព្រមព្រៀង ដែលមានស្រាប់ដោយប្រើយន្តការJBC »។
ជាមួយគ្នានោះដែរ សម្តេចធិបតី បានលើកឡើងថា ឧបការីរដ្ឋអាមេរិកមកជួបសម្តេច ស្នើកម្ពុជាកុំធ្វើសកម្មភាពណាដែលបង្កើន កម្តៅ ។ សម្តេចឆ្លើយតបថា កម្ពុជាមិនដែលធ្វើសកម្មភាពណាបង្កើនកម្តៅនោះទេ ។ យើងមិនដែលធ្វើនោះទេ ហើយយើងមានការអត់ធ្មត់ណាស់ ។ សម្តេចធិបតី នាយករដ្ឋមន្ត្រីបន្ថែមថា សម្តេចបានស្នើឲ្យភាគីអាមេរិកដែលផ្តួចផ្តើមមានកិច្ចព្រមព្រៀងរវាងកម្ពុជា និងថៃ ធ្វើយ៉ាងណាជំរុញឲ្យមានការវាស់វែងតាមយន្តការJBC ឲ្យបានឆាប់ ។ ខ្ញុំសូមបញ្ជាក់ថា កិច្ចព្រមព្រៀងជាមួយគ្នារវាងកម្ពុជា និងថៃ មកដល់បោះចោលនោះទេ រួមមានយន្តការការទូត យន្តការដោះស្រាយផ្លូវច្បាប់ លើផ្នែកផ្លូវទឹកស្តីពីនីតសមុទ្រ UNCLOS ។ គោលដៅសំខាន់របស់រាជរដ្ឋាភិបាល សូមបងប្អូនមានការយោគយល់ គឺវាប្រើរយៈវែង មិនដូចជាការវៃគ្នានោះទេ ប៉ុន្តែវាអាចចប់ ។ បើវៃគ្នាវាមិនចប់នោះទេ គឺគេវៃយកបាន យើងវៃយកវិញ គេវៃបកយកវិញ ដូចជាសង្គ្រាមរុស្ស៊ី អ៊ុយក្រែន វៃគ្នា៣ឆ្នាំហើយ៕
ចែករំលែកព័តមាននេះ