រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបដិសេធចំពោះអ្នកដែលលើកឡើងថា កម្ពុជាជាអ្នក បង្កើតឲ្យមានសង្គ្រាមនៅតាមព្រំដែនជារឿងមិនពិត ។ ផ្ទុយទៅវិញ ភាគីថៃទេ ជាអ្នកបង្កើតសង្គ្រាមមុន ដោយបានបា.ញ់សម្លា.ប់ទាហានកម្ពុជានៅក្នុងទឹកដីកម្ពុជាមុន ទើបកម្ពុជាធ្វើការការពារខ្លួន ។
ថ្លែងក្នុងពិធីអបអរសាទរខួប ៨០ឆ្នាំ នៃការបង្កើតសាកលវិទ្យាល័យវិទ្យាសាស្ត្រសុខាភិបាល និងសម្ភោធអគាសិក្សាថ្មីចំនួន២ខ្នង ព្រមទាំងប្រគល់សញ្ញាបត្រជូនដល់និស្សិតជ័យលាភី នៅព្រឹកថ្ងៃទី៧ ខែតុលា ឆ្នាំ២០២៦ សម្តេចធិបតី ហ៊ុន ម៉ាណែត បានបញ្ជា ក់យ៉ាងដូច្នេះថា ៖« អ្នកខ្លះថា ការវៃគ្នានេះ ដោយសារតែកម្ពុជាទៀត ! ថាមកពីយើងសំដី«…»ថ្ងៃ២៥ ខែឧសភា កន្លងមក ។យើងមិនបានធ្វើអីទេ! នៅសុខៗគេមកបាញ់ទាហានខ្មែរយើងដល់ដីប្រជាពលរដ្ឋទូទាំងប្រទេសទាមទារឱ្យឆ្លើយតប ក្រោយមកគេប្រមាថយើង ខ្មែរក្រណាស់ អត់ប្រេង ភ្លើង អ៊ិនធើណែត ដាច់ខ្យល់តើចាំទេ ? ហើយយើងបានឆ្លើយតបវិញថា បើអ្នកមើលងាយយើងចាត់វិធានការអីញ្ចឹង» ។
សម្តេចធិបតីនាយករដ្ឋមន្ត្រីបានលើកឡើងថា ពេលសង្គ្រាមក៏មានបងប្អូនពលរដ្ឋខ្មែរនៅក្រៅប្រទេសថា រដ្ឋាភិបាលស្រងេងស្រងាង ហៅថ្ងៃទី៦ ខែ៧ ស្អីនោះ គឺចាប់តាំងពីថ្ងៃទី២៨ ឧសភា គេចាប់ផ្តើមបណ្តេញទាហានខ្មែរចេញពីប្រាសាទតាមាន់ហើយធ្វើឲ្យមានការឈ្លោះគ្នា ។
សម្តេចធិបតី នាយករដ្ឋមន្ត្រីបានសង្កត់ធ្ងន់ថា ៖« យើងមិនមែនជាអ្នកបង្ករឿងនោះទេ ខ្ញុំសូមបញ្ជាក់ឲ្យច្បាស់ គឺថាអ្នកបាញ់យើងមុន ។ យើងខំប្រឹងប្រែងណាស់ ទៅនៅទីតាំងយើងមកទាំងផ្ទះ ទាំងវត្តរបស់យើង អីញ្ចឹងសូមបញ្ជាក់ឲ្យបានច្បាស់ ។ កម្ពុជាមិនចង់មានសង្គ្រាមនោះទេ យើងចង់ការពារសិទ្ធិសេរីភាព អធិបតេយ្យភាពរបស់យើង» ។
ជាមួយគ្នានោះដែរ សម្តេចធិបតី ក៏បានលើកឡើងការបាញ់គ្នា ធ្វើឲ្យមនុស្សប្រមាណ៧០ម៉ឺននាក់ បានរត់ជម្លៀសខ្លួន ។ យើងបានធ្វើការចរចាបញ្ឈប់ កាលពីនៅថ្ងៃទី១២ ខែធ្នូ ឆ្នាំ២០២៥ ដោយចរចាគ្នាបញ្ឈប់បាញ់គ្នា មិនមែនឈប់ហើយឲ្យដីទាំងគេនោះទេ ។ លក្ខខណ្ឌច្បាស់ នៅថ្ងៃទី២៧ ខែធ្នូ គឺផ្អាកបាញ់គ្នា ហើយអ្នកណាឈរជើងនៅកន្លែងណានៅកន្លែងនោះសិន ហើយចំណុចទី៣ ក៏មានការជជែកពីការកំណត់វាស់វែងព្រំដែន ។
លើសពីនេះ សម្តេចធិបតីក៏បានគូស បញ្ជាក់ថា ៖«បើគ្មានចំណុចទី៣ ពីការកំណត់ព្រំដែនតាមការវាស់វែងព្រំដែនក៏យើងមិនបានឈប់បាញ់គ្នានោះដែរ ។ គឺនៅបាញ់គ្នាបន្តទៀត ។ ដូច្នេះចំណុចទី៣ នេះមិនទាន់ចប់នោះទេ ទាំងភាគីថៃ និងកម្ពុជា មិនទាន់បានលុបនោះទេ ។ ជាងនេះ MOU200, JBC មិនទាន់លុបនោះទេ អ្វីដែលត្រូវធ្វើ គឺការចុះវាស់វែង ដែលបានកំណត់ជាមួយគ្នា» ។
សម្តេចធិបតីនាយករដ្ឋមន្ត្រីបន្ថែមថា ការវាស់វែងដែលភាគីធ្វើនោះ គឺមិនមែនជាការវាស់វែងថ្មីនោះទេ គឺវាស់វែងបន្ថែមលើអ្វីដែលបានបន្សល់ទុកជាង១០០ ឆ្នាំមុន ដោយសារមានសន្ធិសញ្ញា កិច្ចព្រមព្រៀងរួចហើយ ដោយធ្វើការវាស់វែងទាំងលើដីក្នុងទឹក៕
ចែករំលែកព័តមាននេះ