ADផ្ទាំងផ្សព្វផ្សាយពាណិជ្ជកម្ម

Picture

សម្តេចសង្ឃមួយអង្គថា រដូវបុណ្យទាននេះ ពុទ្ធបរិស័ទប្រយ័ត្នកំពប់បុណ្យ

1 ខែ មុន
  • ភ្នំពេញ

សម្ដេចព្រះ​ឧត្តម​វង្សា បណ្ឌិត គូ សុភាព សមាជិក​លេខាធិការដ្ឋាន​គណៈសង្ឃ​នាយក បាន​មាន​ថេរ​ដីកា​ថា នៅ​ខែ​បុណ្យ​ខែ​ទាន​នេះ យើង​គួរ​រៀបចំ​កាយ វាចា ចិត្ត​ឱ្យ​ល្អ ។

សម្ដេចព្រះ​ឧត្តម​វង្សា បណ្ឌិត គូ សុភាព បាន​មាន​ថេរ​ដីកា​ថា នៅ​ក្នុងអំឡុងពេល​នៃ​ការ​ប្រារព្ធ​ពិធីបុណ្យ​កាន់បិណ្ឌ​នេះ និង​ភ្ជុំបិណ្ឌ​នៅ​ពេល​ខាង​មុខ​នេះ សូម​ពុទ្ធបរិស័ទ​ចេះ​ដាក់ខ្លួន កុំ​ឆេវឆាវ នាំ​ឱ្យ​កំពប់​បុណ្យ ខាន​ឧទ្ទិស​ជូន​ជីដូន​ជីតា ។

សម្ដេចព្រះ​ឧត្តម​វង្សា បណ្ឌិត បាន​សង្កត់ធ្ងន់​ថា «​ខុស ឬ​ត្រូវ​យ៉ាងណា យើង​គួរ​អត់ធ្មត់ យើង​រៀន​រស់នៅ​ជាមួយ​គ្នា ទោះជា​មាន​មតិ ឬ​គំនិត​ផ្ទុយ​គ្នា​ក៏​ដោយ ។ ចេះ​ដាក់ខ្លួន កុំ​ប្រទាំង​ប្រទើស ជេរប្រទិច​គ្នា នាំ​ឱ្យ​កំពប់​បុណ្យ » ។

សម្ដេចព្រះ​ឧត្តម​វង្សា បណ្ឌិត បាន​បន្ត​ថា ខែ​បុណ្យ​ខែ​ទាន គួរ​រៀន​រក្សា​ចិត្ត​ឱ្យ​ល្អ និយាយ​ស្តី​ផ្ទាល់​ក្តី បញ្ចេញយោបល់​លើ​បណ្តាញ​សង្គម​ក្តី សូម​រៀន​រក្សា​ចិត្ត​កុំឱ្យ​វា​សៅហ្មង ដែល​ជា​អំពើ​នាំ​ឱ្យ​កំពប់​បុណ្យ ៕