យុទ្ធនាការដាំដើមឈើ ៖ «មួយខ្នងផ្ទះ មួយដើម» ដើម្បីក្រុងពោធិ៍សាត់បៃតង និងគួរឱ្យចង់រស់នៅ
- ពោធិ៍សាត់
ខេត្តពោធិ៍សាត់៖ ដើម្បីចូលរួមលើកកម្ពស់សោភ័ណភាពទីក្រុង និងបង្កើនគម្របបៃតងក្នុងមូលដ្ឋាន រដ្ឋបាលក្រុងពោធិ៍សាត់ សូមអំពាវនាវ និងអញ្ជើញបងប្អូនប្រជាពលរដ្ឋទាំងអស់ក្នុងក្រុងពោធិ៍សាត់ ចូលរួមក្នុងយុទ្ធនាការដាំដើមឈើ ក្រោមប្រធានបទ «មួយខ្នងផ្ទះ មួយដើម»។
គោលបំណងសំខាន់ៗការដាំដើមឈើត្រឹមតែ ១ដើម នៅមុខផ្ទះ ឬក្នុងបរិវេណដីផ្ទះរបស់បងប្អូន នឹងរួមចំណែកយ៉ាងធំធេងដល់៖
-ការបង្កើនខ្យល់អាកាសបរិសុទ្ធ៖ កាត់បន្ថយកម្ដៅ បង្កើតកម្លាំងបៃតង និងកាត់បន្ថយសារធាតុបំពុលក្នុងបរិយាកាស។
-លើកកម្ពស់សោភ័ណភាព៖ ប្រែក្លាយលំនៅដ្ឋាន និងផ្លូវសហគមន៍ឱ្យមានភាពស្រស់បំព្រង ត្រជាក់ភ្នែក និងទាក់ទាញ។
-ការពារបរិស្ថាន៖ បង្កើតម្លប់ត្រជាក់ កាត់បន្ថយការប្រែប្រួលអាកាសធាតុ និងធ្វើឱ្យក្រុងពោធិ៍សាត់ក្លាយជា «ទីក្រុងបៃតង» គំរូ។
«ដាំដើមឈើថ្ងៃនេះ ដើម្បីសុខភាព និងអនាគតកូនចៅយើងនៅថ្ងៃស្អែក»។
រដ្ឋបាលក្រុងពោធិ៍សាត់ សូមលើកទឹកចិត្តដល់គ្រប់គ្រួសារ អាជ្ញាធរដែនដី សង្កាត់-ភូមិ និងយុវជនទាំងអស់ ចូលរួមដាំ និងថែរក្សាដើមឈើឱ្យលូតលាស់ល្អ ដើម្បីរួមគ្នាកសាងក្រុងពោធិ៍សាត់ឱ្យកាន់តែស្អាត មានបៃតង និងបរិស្ថានល្អប្រសើរ!។ ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍។
ទេសចរណ៍រីកលូតលាស់ក្នុងសន្តិភាព
បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់។
ការដាំដើមឈើនេះនៅក្នុងក្រុងពោធិ៍សាត់ ថ្ងៃទី3-10-2026 វេណកាន់បិណ្ឌទី7 ដឹកនាំដោយលោក ផាយ ឡេង អភិបាលនៃគណៈអភិបាលក្រុង ដោយមានការចូលរួមពីបុគ្គលិកអង្គការផងដែរ៕
ចែករំលែកព័តមាននេះ