ប៉ូលិសរដ្ឋម៉ិចស៊ីកូរាយការណ៍កាលពីថ្ងៃទី១១ សីហា ថា ជនឈ្មោះ OSCAR GARCIA MONTOYA ជាប្រមុខនៃក្រុមរត់ពន្ធគ្រឿងញៀនម៉ិចស៊ិក «MANO CON OJOS» ត្រូវចាប់ខ្លួនបានហើយ។ MONTOYA ហៅEL COMPAYITO
ប៉ូលិសរដ្ឋម៉ិចស៊ីកូរាយការណ៍កាលពីថ្ងៃទី១១ សីហា ថា ជនឈ្មោះ OSCAR GARCIA MONTOYA ជាប្រមុខនៃក្រុមរត់ពន្ធគ្រឿងញៀនម៉ិចស៊ិក «MANO CON OJOS» ត្រូវចាប់ខ្លួនបានហើយ។
MONTOYA ហៅEL COMPAYITO ជាប់សង្ស័យថា សម្លាប់ឬបញ្ជាឱ្យសម្លាប់មនុស្សដល់ទៅ៦០០នាក់។ ជននេះទទួលសារភាពថា រូបគេជាអ្នកចូលរួមដោយផ្ទាល់ក្នុងការសម្លាប់មនុស្ស៣០០នាក់ ហើយបញ្ជាឱ្យសម្លាប់មនុស្ស៣០០នាក់ទៀត។ នេះជាការអះអាងរបស់រដ្ឋអាជ្ញារដ្ឋម៉ិចស៊ីកូ លោកអាល់ហ្វ្រេដូ កាស្ទីលឡូ។ ក្រុមរត់ពន្ធគ្រឿងញៀនរបស់ជននោះធ្វើសកម្មភាពពិសេសក្នុងតំបន់ក្រុងម៉ិចស៊ីកូ។ ជននេះល្បីខាងយកក្បាលមនុស្សដែលគេកាត់យកមកបោះចោលតាមវិថីនានានៅជាយក្រុងម៉ិចស៊ីកូរដ្ឋធានីម៉ិចស៊ិក។
MONTOYA ដែលធ្លាប់បំរើការក្នុងកងម៉ារីន និងជាអ្នកធ្លាប់បើករថយន្តឱ្យជនឈ្មោះ EDGAR VALDEZ VILLARREAL ហៅ LA BARBIE ជាប្រមុខម្នាក់នៃក្រុមរត់ពន្ធគ្រឿងញៀន BELTRAN-LEYVA ។ ជននេះក៏ធ្លាប់ធ្វើប៉ូលិសនៅភាគខាងជើងម៉ិចស៊ិកដែរ៕
ចែករំលែកព័តមាននេះ