៣នាក់បងប្អូនជីដូនមួយ នាំគ្នាទៅលេងទឹកអាងអូរខៃដន ល.ង់ម្នាក់ បា.ត់ខ្លួនអស់១យប់ ទើបប្រទះឃើញអណ្តែត
- បន្ទាយមានជ័យ
ខេត្តបន្ទាយមានជ័យ ៖ ក្មេងប្រុសម្នាក់បានលង់ទឹកអាងអូរខៃដន បាត់ខ្លួនរយៈពេល១យប់ ទើបប្រទះឃើញសពអណ្តែតនៅព្រឹកថ្ងៃទី០១ ខែតុលា ឆ្នាំ២០២៦ នៅចំណុចអាងទឹកអូរខៃដន ស្ថិតភូមិអូរខៃដន សង្កាត់ផ្សារកណ្តាល ក្រុងប៉ោយប៉ែត។
ជនរងគ្រោះឈ្មោះ ហួរ ភេទប្រុស អាយុ១៤ឆ្នាំ រស់នៅភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត ។
នាយប៉ុស្តិ៍នគរបាលសង្កាត់ផ្សារកណ្តាល បានឱ្យដឹងថា មុនពេលកើតហេតុ មានយុវជន៣នាក់នាំគ្នាចុះលេងទឹកអាងអូរខៃដនខាងកើត បណ្តាលឱ្យលង់ទឹក លិចបាត់ខ្លួន១នាក់ ហើយស្រែកអោយអ្នកជិតខាងជួយ បង្កការភ្ញាក់ផ្អើលដល់អាជ្ញាធរនិងកងកម្លាំងបានជួយអន្តរាគមន៍រាវរកតាំងពីថ្ងៃទី៣០ ខែកញ្ញា ឆ្នាំ២០២៦ រហូតដល់យប់ តែរកមិនឃើញឡើយ។
មន្ត្រីនគរបាលប៉ុស្តិ៍បានបញ្ជាក់ថា៖លុះដល់ព្រឹកឡើងចូលថ្ងៃទី១ ខែតុលា ឆ្នាំ២០២៦ ទើបប្រជាការពារភូមិប្រទះឃើញសាកសពអណ្តែកទឹកនៅក្បែកន្លែងលង់ទឹកបាត់ខ្លួន ហើយរាយការណ៍ជូនកម្លាំងជំនាញចុះមកពិនិត្យសាកសពជនរងគ្រោះ គឺពិតជាលង់ទឹកស្លាប់ពិតមែន នៅពេលចុះលេងទឹកជាមួយបងប្អូនជីដូនមួយក្នុងចំណោម៣នាក់ដោយជនរងគ្រោះមិនចេះហែលទឹកអោយនៅកណ្តាលកាន់ស្មាបងប្អូនទាំងសងខាងចុះលេង ដែលទឹកមានជម្រៅជិត៣ម៉ែត្រ បណ្តាលឱ្យលង់ទឹកបាត់ និង២នាក់ទៀតចេះហែលរួចផុតពីគ្រោះថ្នាក់។
មន្ត្រីនគរបាលប៉ុស្តិ៍បានបញ្ជាក់ថា ក្រោយពិនិត្យនិងធ្វើកោសលវិច្ច័យហើយបានប្រគល់សាកសពជនរងគ្រោះអោយបងប្អូនជីដូនមួយ ដែលជាអ្នកមើលថែ ព្រោះម្តាយទៅធ្វើការនៅប្រទេសថៃ ៕
ចែករំលែកព័តមាននេះ