ម៉ូតូ២គ្រឿងបុ.កគ្នា ស្លា.ប់ម្នាក់ របួ.សធ្ងន់ស្រាល៣នាក់ នៅសង្កាត់កំពង់ឆ្នាំង ក្រុងកំពង់ឆ្នាំង
- កំពង់ឆ្នាំង
ខេត្តកំពង់ឆ្នាំង មនុស្សម្នាក់បានស្លាប់នៅកន្លែងកើតហេតុនិង៣នាក់ទៀត បានរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍ម៉ូតូ២គ្រឿងបុកគ្នាក្នុងទិសដៅបញ្ច្រាសគ្នា បានកើតឡើង នៅវេលាម៉ោង ៦ និង២០ នាទីយប់ថ្ងៃទី ២៨ ខែ កញ្ញា ឆ្នាំ ២០២៦ នៅតាមបណ្ដោយផ្លូវការកៅស៊ូក្នុងខេត្ត មុខអាហារដ្ឋានអារ៉ែង ស្ថិតក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខណៈដែល
ប្រភពពីប្រជាពលរដ្ឋនៅកន្លែងកើតហេតុបានឱ្យដឹងថា មុនពេលកើតហេតុ មានម៉ូតូមួយគ្រឿងម៉ាកស្គុបពី ពណ៌ស ពាក់ស្លាកលេខ កំពង់ឆ្នាំង 1M.6231 បើកបរដោយឈ្មោះ កូវ សៀកយូ ភេទស្រី អាយុ ២៦ឆ្នាំ មានទីលំនៅភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង មានដឹកអ្នករួមដំណើរ២នាក់ ដែលត្រូវជាប្អូននិងកូនស្រី បើកបរក្នុងដំណើរពីទិសខាងត្បូងទៅជើង លុះមកដល់ចំណុចកើតហេតុ ស្រាប់តែមានម៉ូតូមួយគ្រឿងទៀតម៉ាកស្មាស់រីវ៉ូ ពណ៌ស ពាក់ស្លាកលេខ ភ្នំពេញ 1DB-2581 បើកបរដោយ ឈ្មោះ អ៊ំ ពុទ្ឋី ភេទប្រុស អាយុ ៤៦ ឆ្នាំ រស់នៅភូមិពង្រ ឃុំពង្រ ស្រុករលាប្អៀរ បើកបរក្នុងដំណើរពីទិសខាងជើងទៅត្បូងបញ្ច្រាសទិសគ្នា ក្នុងល្បឿនលឿន ហើយបានជ្រុលទៅបុកនិងម៉ូតូ scoopy តែម្ដង។
ក្នុងហេតុការណ៍នោះ បណ្ដាលឲ្យភាគីខាងម៉ូតូម៉ាក់ scoopy រងរបួសធ្ងន់ស្រាលទាំង៣នាក់ ចំណែកភាគីម៉ូតស្មាស់រីវូ បានស្លាប់នៅកន្លែងកើតហេតុ។
ក្រោយពេលកើតហេតុ សមត្ថកិច្ចចុះទៅវាស់វែងនិងបញ្ជូនជនរងគ្រោះដែលរងរបួសទៅព្យាបាលនៅមន្ទីរពេទ្យ ចំណែកជនរងគ្រោះដែលស្លាប់ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី៕
ចែករំលែកព័តមាននេះ