ខេត្តស្វាយរៀង ៖ មានកណី​គ្រោះថ្នក់ចរាចរណ៍កើតឡើង​៣កន្លែងក្បែរគ្នា ក្នុងយប់តែមួយ បណ្តាលឲ្យមនុស្សប្រុសស្រី២នាក់បាន​ស្លាប់ភ្លាមៗនៅនឹងកន្លែង និង៤នាក់ផ្សេងទៀតរបួសធ្ងន់ធ្ងរ ត្រូវសមត្ថកិច្ចបញ្ជូន​ទៅ​មន្ទីរពេទ្យខេត្តស្វាយរៀងដើម្បីសង្គ្រោះ។

បើតាមសមត្ថកិច្ចបានឲ្យដឹងថា ករណីទី១កើតឡើងនៅវេលាម៉ោង៦និង២០នាទីយប់ថ្ងៃទី២២ កញ្ញា ឆ្នាំ​២០២៦ នៅលើកំណាត់ផ្លូវជាតិលេខ១៤D ចំណុចគីឡូម៉ត្រលេខ៨ ស្ថិតនៅភូមិព្រៃសង្គម ឃុំប្រសូតិ ស្រុកស្វាយទាប រវាងម៉ូតូបុកជាមួយ​ម៉ូតូបណ្តាលឲ្យរងរបួសធ្ងន់០២នាក់(ស្រី១នាក់)។

ករណីទី២-កើតឡើងនៅវេលាម៉ោង៧យប់ថ្ងៃទី២២ កញ្ញា ឆ្នាំ​២០២៦៧ មានចម្ងាយពីករណីមួយ ១០០ម៉ែត្រ ស្ថិតនៅភូមិព្រៃសង្គម ឃុំប្រសូតិ រវាងម៉ូតូ​បុកជាមួយ​ម៉ូតូរ៉ឺម៉កដឹកជ្រូក បណ្តាលឲ្យយុវជនជិះម៉ូតូរងរបួសបែកក្បាល​ស្លាប់ភ្លាមៗនីកន្លែងកើតហេតុ ចំណែកអ្នកបើករ៉ឺម៉កដឹកជ្រូករបួសតិចតួច ។

ករណីទី៣-កើតឡើងនៅវេលាម៉ោង១០និង៥នាទីយប់ថ្ងៃទី២២ កញ្ញា ឆ្នាំ​២០២៦ នៅលើកំណាត់ផ្លូវជាតិលេខ១៤Dដដែលខាងត្បូងផ្សារប្រសូតិចម្ងាយ៤០០ម៉ែត្រ ស្ថិតក្នុងភូមិព្រៃសង្គម ឃុំប្រសូតិ រវាងម៉ូតូ​បុកជាមួយ​ម៉ូតូ បណ្តាលឲ្យមនុស្ស៣នាក់រងរបួសបែកក្បាលធ្ងន់ធ្ងរ ចំណែកស្រ្តីម្នាក់បានស្លាប់បាត់បង់ជីវិតពេលបញ្ជូនដល់មន្ទីរពេទ្យខេត្តស្វាយរៀង រហូតដល់ព្រឹកថ្ងៃទី២៣​ កញ្ញា ឆ្នាំ​២០២៦នេះ មិនទាន់រកឃើញសាច់ញាតិនៅឡើយ ។ មន្ទីរពេទ្យខេត្តស្វាយរៀង បានអំពាវរកសាច៉ញាតិស្រ្តីរងគ្រោះឲ្យមកទទួលសពយកទៅធ្វើបុណ្យតាមប្រពៃណី ៕