អភិបាលស្រុកបាទី ចុះពិនិត្យទីតាំងផ្ទះជួល ដើម្បីទប់ស្កាត់បទល្មើសឆបោ.កតាមប្រព័ន្ធបច្ចេកវិទ្យា
- តាកែវ
ខេត្តតាកែវ ៖ រសៀលថ្ងៃទី២០ ខែកញ្ញា ឆ្នាំ២០២៦នេះ លោកសាយ វណ្ណៈ អភិបាលស្រុកបាទី បានដឹកនាំកម្លាំងគណៈបញ្ជាការឯកភាពរដ្ឋបាលស្រុក ចុះធ្វើរដ្ឋបាលចំហ និងពិនិត្យទីតាំងផ្ទះជួល ស្ថិតនៅភូមិតាំងដូង ភូមិផ្សារគុម្ពឫស្សី និងភូមិទួលល្ហុង ឃុំតាំងដូង ស្រុកបាទី ខេត្តតាកែវ។
លោកសាយ វណ្ណៈ អភិបាលស្រុកបាទី បានអោយដឹងថា ក្នុងប្រតិបត្តិការនេះ កម្លាំងជំនាញបានចុះពិនិត្យទីតាំងសរុប ៦ទីតាំង ដែលមាន បន្ទប់ជួលចំនួន ១៣៣បន្ទប់ និង ឃ្លាំងចំនួន ១កន្លែង។
ដោយពិនិត្យឃើញមានជនបរទេស រួមមាន៖
ជនជាតិបង់ក្លាដែស ស្នាក់នៅចំនួន ១៧បន្ទប់ សរុប ៤១នាក់ ក្នុងនោះស្រី ២នាក់។
ជនជាតិចិន ស្នាក់នៅចំនួន ៦បន្ទប់ សរុប ៦នាក់។
លោកអភិបាលស្រុកបាទីបានបញ្ជាក់ថា ជាលទ្ធផល កម្លាំងគណៈបញ្ជាការឯកភាពស្រុក ពុំបានរកឃើញទីតាំងប្រព្រឹត្តសកម្មភាព Scam Online នៅតាមទីតាំងដែលបានចុះពិនិត្យនោះទេ។ ការចុះត្រួតពិនិត្យនេះ គឺជាផ្នែកមួយនៃការពង្រឹងសន្តិសុខ សណ្តាប់ធ្នាប់សាធារណៈ និងការបង្ការ ទប់ស្កាត់បទល្មើសផ្សេងៗនៅក្នុងមូលដ្ឋាន ៕
ចែករំលែកព័តមាននេះ