ចិនបើករថយន្តអាល់ហ្វាត ពន្លះក្បាលនាគគល់ស្ពានប្រសូតិ លាន់ដូចរន្ទះ
- ស្វាយរៀង
ខេត្តស្វាយរៀង ៖ ករណីចរាចរណ៍ដែលរថយន្តម៉ាកអាល់ហ្វាតមួយគ្រឿងបើកបរដោយជនជាតិចិន ទំនងងងុយដេក បើកបុកក្បាលនាគចែកទ្រូងផ្លូវគល់ស្ពានប្រសូតិលាន់ដូចរន្ទះ បង្កឲ្យមានការភ្ញាក់ផ្អើលដល់អ្នកផ្សារប្រសូតិដែលកំពុងដេកលង់លក់នាទៀបភ្លឺ ។
បើតាមសមត្ថកិច្ចបានឲ្យដឹងថា រថយន្តបង្កដែលបើកបុកក្បាលនាគចែកទ្រូងផ្លូវខាងលើនេះម៉ាកអាល់ហ្វាត ពណ៌ស ពាក់ស្លាកលេខ ភ្នំពេញ 2BR-1581 បើកបរដោយជនជាតិចិន និងអ្នករួមដំណើរជាជនជាតិចិន ធ្វើដំណើរពីទិសខាងលិចទៅកើត (ភ្នំពេញ-ក្រុងបាវិត) ។
ករណីខាងលើនេះកើតឡើងនៅវេលាម៉ោងប្រមាណ៤ទៀបភ្លឺថ្ងៃទី២០ កញ្ញា ឆ្នាំ២០២៦ នៅលើកំណាតើផ្លូវជាតិលេខ១ ត្រងចំណុចក្បាលស្ពានប្រសូតិខាងលិច ស្ថិតនៅក្នុងភូមិទួលអង្គប់ ឃុំសំបួរ ស្រុកស្វាយទាប ខេត្តស្វាយរៀង។
តាមប្រភពបានបន្តថា រថយន្តនេះដឹកជនជាតិចិន សង្ស័យមកពីក្រុងព្រះសីហនុ ឆ្ពោះទៅក្រុងបាវិត ដោយធ្វើដំណើរពេលយប់ ផ្លូវឆ្ងាយ បើកបរក្នុងល្បឿនលឿន ហើយទំនងអ្នកបើកបរងងុយដេក ងោកមួយភាំងក៏បុកចំក្បាលនាគពុះចែកទ្រូងផ្លូវ ក្បាលស្ពានប្រសូតិពេញទំហឹង បណ្តាលឲ្យរថយន្តខូចខាតយ៉ាងដំណំ ។ រីឯអ្នកបើកបរនិងអ្នករួមដំណើររបួសស្រាល ក្រោយមកក៏មានរថយន្តផ្សេងមកសាងយកជនជាតិចិនទាំងនោះទៅក្រុងបាវិត ចំណែកអ្នកបើកបរនៅចាំរថយន្តត្រូវសមត្ថកិច្ចហៅរថយន្តមកអូសចេញពីទ្រូងផ្លូវ ដើម្បីដោះស្រាយតាមនីតិវិធី ៕
ចែករំលែកព័តមាននេះ