នាងហេលែន វូដ ជាមិត្តរបស់នាងជេននីហ្វ័រ ថុមសុន ដោយពួកគេទាំង២នាក់ បានបកអាក្រាតកាលពីរដូវកាលបាល់ទាត់មុន(២០១០-២០១១) ថា បានធ្លាប់រួមដំណេកជាមួយកីឡាករវេន រូនី បច្ចុប្បន្ននៅលើផ្ទៃមុខរបស់នាងមានការហើមជាំបាក់ក្តោងច្រមុះ និងភ្នែកឡើងជាំខ្មៅក្រោយពីមានបុរស២នាក់ និងស្ត្រី៧នាក់ចោម
នាងហេលែន វូដ ជាមិត្តរបស់នាងជេននីហ្វ័រ ថុមសុន ដោយពួកគេទាំង២នាក់ បានបកអាក្រាតកាលពីរដូវកាលបាល់ទាត់មុន(២០១០-២០១១) ថា បានធ្លាប់រួមដំណេកជាមួយកីឡាករវេន រូនី បច្ចុប្បន្ននៅលើផ្ទៃមុខរបស់នាងមានការហើមជាំបាក់ក្តោងច្រមុះ និងភ្នែកឡើងជាំខ្មៅក្រោយពីមានបុរស២នាក់ និងស្ត្រី៧នាក់ចោមរោមវាយធ្វើបាបក្នុងក្លឹបកម្សាន្តមួយនៅក្បែរផ្ទះរបស់ខ្លួន ។
តាមទីភ្នាក់ងារដឹសាន់ របស់អង់គ្លេស ផ្សាយថា មូលហេតុដែលកើតឡើង ដោយសារតែនាងហេលែន មានការមិនពេញចិត្តលើការស្រែកចំអកថា «រូនី, រូនី» និងព្យាយាមចូលទៅក្បែរដើម្បីឱ្យមនុស្សក្រុមនេះបិទមាត់កុំនិយាយពាក្យនេះទៀត ទើបបង្កឱ្យគ្រោះថ្នាក់ ។ នាងហេលែន បាននិយាយដោយការភ័យខ្លាចថា «ខ្ញុំបានដួលទៅលើឥដ្ឋ ប៉ុន្តែនៅពេលព្យាយាមក្រោកឈរឡើងក៏មានស្ត្រីម្នាក់ ទាត់ចំមុខ ត្រគាក និងខ្នងធ្វើឱ្យនាងឈឺចាប់បំផុត» ។
នាងហេលែនបានបញ្ជាក់ថា ខ្លួនព្យាយាមតស៊ូរើបម្រះដែរ ប៉ុន្តែដោយសារពួកគេមានគ្នាច្រើន ទើបខ្លួនទទួលការវាយប្រហារទ្រមខ្លួនបែបនេះ ។ ក្រោយហេតុការណ៍អ្នកទាំងពីរបានប្តឹងសមត្ថកិច្ចប៉ូលិសឱ្យចាប់ខ្លួនជនបង្កហេតុតាមរយៈមា៉សីុនថតបង្កប់នៅក្នុងក្លឹបកម្សាន្ត «វិចតូរីយ៉ា អ៊ីន» នៅក្រុងបូលតុន កាលពីថ្ងៃអាទិត្យ កន្លងទៅ៕
ចែករំលែកព័តមាននេះ