ខេត្តកណ្តាល ៖ អគ្គិភ័យមួយបង្កការភ្ញាក់ផ្អើលទ្បើងនាវេលាម៉ោង៨និង៣៥នាទីព្រឹកថ្ងៃទី១៧ ខែកញ្ញា ឆ្នាំ២០២៦ នៅចំណុចវិហារវត្តស្លាកែត ឃុំគគីរ ស្រុកកៀនស្វាយ ខេត្តកណ្តាល បណ្តាលឲ្យសម្ភារក្នុងវិហាររងការខូចខាតស្ទើរទាំងស្រុង ។
តាមរបាយការណ៍នគរបាលមូលដ្ឋានបានឲ្យដឹងថា អគ្គិភ័យខាងលើនេះ បណ្តាលមកពីការធ្វេសប្រហែសដុតទៀន ហើយរលំឆេះវាំងនន ហើយក៏រាលបន្តឆេះសម្ភារក្នុងព្រះវិហារ រួមមាន ៖ ដូចជា វាំងនន កំរាលព្រំ គងតូច គងធំ រូបបដិមាព្រះពុទ្ធ និងបន្តឆាបឆេះដល់ព្រះវិហារតែម្តង ។
ក្រោយទទួលព័ត៌មានករណីអគ្គិភ័យនេះ កម្លាំងនគរបាលប៉ុស្ដិ៍រដ្ឋបាលគគីរ បានចុះទៅដល់កន្លែងកើតហេតុហើយបានរាយការណ៏ជូនលោកអធិការ ដើម្បីសុំអន្តរាគមន៏យករថយន្តពន្លត់អគ្គិភ័យចេញជួយពន្លត់ រួមទាំងប្រជាពលរដ្ឋ ដោយទប់ស្កាត់មិនឲ្យអគ្គិភ័យឆាបឆេះ និងបំផ្លាញព្រះវិហារ ខណៈដែលសមត្ថកិច្ចបានប្រើទឹកបាញ់ពន្លត់ចំនួន០២ឡានទើបរលត់ទាំងស្រុង ៕
ចែករំលែកព័តមាននេះ