សំណុំរឿងគ្រឿ.ងញៀ.នជាង២៥គីឡូក្រាម៖ ជនជាតិវៀតណាម៣នាក់ប្តឹងឧទ្ធរណ៍ប្រឆាំងទោសជាប់ពន្ធនាគារអស់មួយជីវិត
- ភ្នំពេញ
រាជធានីភ្នំពេញ ៖ សំណុំរឿងគ្រឿងញៀនជាង២៥គីឡូក្រាម មានជនជាប់ចោទជាជនជាតិវៀតណាម៣នាក់ ត្រូវបានសាលាដំបូងរាជធានីភ្នំពេញ ផ្តន្ទាទោសដាក់គុកម្នាក់មួយជីវិត តែជនជាប់ចោទកើតទុក្ខមិនសុខចិត្តចំពោះការកាត់ក្តីនេះ ក៏សម្រេចប្តឹងឧទ្ធរណ៍ ទើបនៅថ្ងៃទី១៥ ខែកញ្ញា ឆ្នាំ២០២៦ សភាព្រហ្មទណ្ឌសាលាឧទ្ធរណ៍ភ្នំពេញ បានលើកយកមកបើកសវនាការជំនុំជម្រះ តែត្រូវបានលើកពេលប្រកាសដីកាទៅថ្ងៃទី២២ កញ្ញា ឆ្នាំ២០២៦ ខាងមុខនេះ ។
ជនជាប់ចោទជាដើមបណ្តឹងឧទ្ធរណ៍ទាំង៣នាក់នោះមាន ៖ ១-ឈ្មោះ ង្វៀង ម៉ាញ់ហា ភេទប្រុស អាយុ៣០ឆ្នាំ ជនជាតិវៀតណាម ។ ២-ឈ្មោះ យឿង ឌឹក ភេទប្រុស អាយុ៣៦ឆ្នាំ ជនជាតិវៀតណាម និង៣-ឈ្មោះ ង្វៀង ធីឡាន ភេទស្រី អាយុ៤១ឆ្នាំ ជនជាតិវៀតណាម ។
ជនជាប់ចោទទាំង៣នាក់ ត្រូវបានកម្លាំងសមត្ថកិច្ចមន្ទីរប្រឆាំងបទល្មើសគ្រឿងញៀន ចាប់ខ្លួន កាលថ្ងៃទី២០ ខែឧសភា ឆ្នាំ២០២៤ នៅខុនដូមួយកន្លែង ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ ដោយបានរឹបអូសនូវសារធាតុញៀនជាច្រើនប្រភេទសរុបប្រមាណជាង២៥គីឡូក្រាម និងសារធាតុគីមីផ្សំជាង៨១គីឡូក្រាមទៀត ។
សូមបញ្ជាក់ថា សំណុំរឿងខាងលើនេះ កាលពីខែមេសា ឆ្នាំ២០១៥ សាលាដំបូងរាជធានីភ្នំពេញបានលើកយកមកបើកសវនាការ និងបានផ្តន្ទទាទោសជនជាប់ចោទដាក់គុកក្នុងម្នាក់មួយជីវិត និង ពិន័យជាប្រាក់ចំនួន១០០លានរៀល ពីបទ.រក្សាទុក ជួញដូរ និងផលិតដោយខុសច្បាប់នូវសារធាតុញៀន ៕
ចែករំលែកព័តមាននេះ