លើកកម្ពស់សេវាសុខាភិបាល ៖ មន្ទីរពេទ្យបង្អែកខេត្តកំពត ចាប់ផ្តើមសាងសង់អគារវេជ្ជសាស្ត្រ Scan និង MRI ថ្មី
- កំពត
ខេត្តកំពត ៖ ដើម្បីលើកកំពស់សេវាពិនិត្យសុខភាពជូនប្រជាពលរដ្ឋទូទាំងខេត្ត ពីសំណាក់លោកវេជ្ជបណ្ឌិត និងក្រុមគ្រូពេទ្យជំនាញនៃមន្ទីរពេទ្យបង្អែកខេត្តកំពត នៅព្រឹកថ្ងៃទី១៤ ខែកញ្ញា ឆ្នាំ២០២៦នេះ នៅក្នុងបរិវេណនៃមន្ទីរពេទ្យបង្អែកខេត្ត មានរៀបចំពិធីក្រុងពាលី តាមបែបសាសនាសុំសេចក្តីសុខ និងបញ្ចុះបឋមសីលាសាងសង់អគារវេជ្ជសាស្ត្រថ្មីមួយខ្នងបន្ថែមទៀត ដែលមានទំហំ៨ម៉ែត្រគុណនឹង១២ម៉ែត្រ មាន២បន្ទប់ គឺបន្ទប់ស្គែន និងបន្ទប់ MRI ដែលការសាងសង់ស្ថិតក្នុងទីតាំងបរិវេណមន្ទីរពេទ្យបង្អែកខេត្តខាងលិចអគារមន្ទីរពេទ្យព្យាបាលកុមារ។
ការប្រារព្ធកម្មវិធីនាព្រឹកនេះផងដែរ ក៏មានការអញ្ជើញចូលរួមជាអធិបតីភាពពីសំណាក់លោកជំទាវ យូ សុគន្ធ ប្រធានមន្ទីរសុខាភិបាលខេត្ត លោកវេជ្ជបណ្ឌិត ឈុយ ឆូង ប្រធានមន្ទីរពេទ្យបង្អែកខេត្ត លោកសំ ទេត្រា អគ្គនាយកក្រុមហ៊ុន ព្រមទាំងថ្នាក់ដឹកនាំ មន្ត្រី បុគ្គលិកមន្ទីរពេទ្យបង្អែក និងក្រុមការងារក្រុមហ៊ុនសំណង់ បានចូលរួមក្នុងពិធីក្រុងពាលី និងការបញ្ចុះបឋមសីលាសាងសង់អគារមួយខ្នងនាព្រឹកនេះផងដែរ៕
ចែករំលែកព័តមាននេះ