យោងទៅតាមប្រភពព័ត៌មានប៊ី-ប៊ី-ស៊ីចេញផ្សាយកាលពីថ្ងៃទី៩ សីហា បានឱ្យដឹងថា លោក Dario Gomez គ្រូបង្វឹកក្រុមជម្រើសជាតិកូឡុំប៊ី បានសម្រេចចិត្តលាលែងចេញពីតំណែងក្រោយពីលោករងការរិះគន់យ៉ាងធ្ងន់ធ្ងរពីបញ្ហាវាយធ្វើបាបស្ត្រីម្នាក់ក្រោយពេលចេញពីក្លឹបកម្សាន្ត ។
យោងទៅតាមប្រភពព័ត៌មានប៊ី-ប៊ី-ស៊ីចេញផ្សាយកាលពីថ្ងៃទី៩ សីហា បានឱ្យដឹងថា លោក Dario Gomez គ្រូបង្វឹកក្រុមជម្រើសជាតិកូឡុំប៊ី បានសម្រេចចិត្តលាលែងចេញពីតំណែងក្រោយពីលោករងការរិះគន់យ៉ាងធ្ងន់ធ្ងរពីបញ្ហាវាយធ្វើបាបស្ត្រីម្នាក់ក្រោយពេលចេញពីក្លឹបកម្សាន្ត ។
គ្រូបង្វឹកវ័យ៥៥ឆ្នាំ បានសារភាពពីទោសកំហុសរប់សលោកដោយនិយាយថា ៖ លោកមិនអាចគ្រប់គ្រងអារម្មណ៍ក្នុងអំឡុងពេលមានជម្លោះជាមួយមិត្តស្រីរបស់លោកនៅខាងក្រៅក្លឹបកម្សាន្ត ហើយក៏បានវាយនាងចំនួន៤ដៃ ។ មូលហេតុដែលនាំឱ្យមានការឈ្លោះប្រកែកគ្នារហូតឈានដលការវាយធ្វើបាបនេះ គឺកើតឡើងដោយសារតែមិត្តស្រីរបស់លោកបានធ្វើការរិះគន់ដល់លោកថា គ្មានសមត្ថភាពគ្រប់គ្រាន់ក្នុងការដឹកនាំក្រុមជម្រើសជាតិកូឡុំប៊ី ក្នុងអំឡុងពេលប្រកួតចាញ់ក្រុមប៉េរូ ក្នុងការប្រកួតដណ្តើមពានរង្វាន់ជើងឯកកូប៉ាអាមេរិក ។
បន្ទាប់ពីជម្លោះវាយធ្វើបាបស្ត្រីនៅជិតក្លឹបកម្សាន្តនោះ មានស្ត្រីមួយក្រុមក្នុងប្រទេសកូឡំប៊ី បានចេញសេចក្តីថ្លែងការណ៍ថ្កោលទោសដល់ទង្វើអសីលធម៌របស់លោក ហើយបានជំរុញឱ្យសហព័ន្ធដកហូតតំណែងគ្រូបង្វឹករូបនេះទៀតផង បើទោះជាលោក Gomez បានធ្វើការសុំទោសជាសាធារណៈក៏ដោយ ។ បន្ទាប់ពីទទួលបានពាក្យសុំលាលែងសហព័ន្ធពុំទាន់បានជ្រើសរើសរកគ្រូបង្វឹកថ្មីដើម្បីជំនួសកៅអីរបស់លោក Gomez នៅឡើយទេ ។
គួររំលឹកដែរថា លោក Dario Gomez បានធ្លាប់ធ្វើជាគ្រូបង្វឹកក្រុមជម្រើសជាតិកូឡុំប៊ី ពីលើកគឺលើកទី១ ក្នុងឆ្នាំ១៩៩៥ ដល់ឆ្នាំ១៩៩៨ និងលើកទី២ ក្នុងឆ្នាំ ២០១០-២០១១។ ក្រៅពីនេះ លោកក៏ធ្លាប់បានដឹកនាំក្រុមជម្រើសជាតិអេក្វាទ័រ (១៩៩៩-២០០៤) និងក្វាតេមា៉ឡាក្នុងឆ្នាំ (២០០៦-២០០៨)៕
ចែករំលែកព័តមាននេះ