ខេត្តកំពត ៖ មេបញ្ជាការរងប្រតិបត្តិការសឹករងស្រុកបន្ទាយមាសម្នាក់ដកកាំ ភ្លើងខ្លីម៉ាកកា៥៤បា.ញ់កូនទាហានឈ្មោះកែវ ធី ត្រង់ក្បាលមួយគ្រាប់។ ហេតុការណ៍នេះកើតឡើងកាលពីវេលាម៉ោង៧ និង៣០នាទីយប់ ថ្ងៃទី៨ សីហា ។ លោកកែវ ធី និយាយប្រាប់អ្នកយកព័ត៌មានថា រូបលោក និងមេបញ្ជាការរងឈ្មោះម៉ាត់ លី មាន
ខេត្តកំពត ៖ មេបញ្ជាការរងប្រតិបត្តិការសឹករងស្រុកបន្ទាយមាសម្នាក់ដកកាំភ្លើងខ្លីម៉ាកកា៥៤បាញ់កូនទាហានឈ្មោះកែវ ធី ត្រង់ក្បាលមួយគ្រាប់។ ហេតុការណ៍នេះកើតឡើងកាលពីវេលាម៉ោង៧ និង៣០នាទីយប់ ថ្ងៃទី៨ សីហា ។
លោកកែវ ធី និយាយប្រាប់អ្នកយកព័ត៌មានថា រូបលោក និងមេបញ្ជាការរងឈ្មោះម៉ាត់ លី មានវេនប្រចាំការជាមួយគ្នានៅក្នុងបន្ទាយ។ នៅយប់នោះលោកមួម៉ៅ ហើយភ្លាត់មាត់ជេរ ព្រោះតែរកអ្វីហូបមិនបាន ។ ការជេរនេះត្រូវលោកមេបញ្ជាការរងចាប់កំហុសថា ជេរសំដៅលើខ្លួន ហើយក៏ជេរតបវិញ។ មិនតែប៉ុណ្ណោះមេបញ្ជាការរងរូបនោះដកកាំភ្លើងបាញ់ចំក្បាលលោក តែសំណាងល្អមិនចំគោលដៅទេ គឺចំបញ្ឆិត។ ភ្លាមនោះលោកដួល ហើយប្រឹងងើបរត់ទៅថ្នល់ ស្រែកហៅគេឱ្យជួយ។ លោកត្រូវគេឌុបតាមម៉ូតូទៅសង្គ្រោះនៅគ្លីនិកឯកជនមុខផ្សារទូកមាស។
លោកវេជ្ជបណ្ឌិតដាំង ណារិទ្ធ បានជួយរុំុមុខរបួស ហើយបញ្ជូនលោកកែវ ធី ទៅព្យាបាលនៅមន្ទីរពេទ្យខេត្តតាកែវ ព្រោះរបួសធ្ងន់ ។ លោកម៉ាត់ លី ដែលជាប់ចោទនិយាយប្រាប់គេឯងថា លោកមិនបានបាញ់ទេ គឺវាយនឹងកាំភ្លើងខ្លីដោយសារតែឈ្មោះធី ផឹកស្រាស្រវឹង។ លោកគង់ សុខន អធិការរងប៉ូលិសស្រុកនិយាយថា លោកមិនទាន់បានដឹងរឿងនេះទេ ព្រោះគេព្យាយាមលាក់បាំងស្ថាប័នផ្សេងៗ ។
មន្ត្រីអង្គការក្រៅរដ្ឋាភិបាលនិយាយថា ការបាញ់ពលទាហានបែបនេះគឺរំលោភច្បាប់សិទ្ធិមនុស្ស។ ម្យ៉ាងបន្ទាយដែលមានជំលោះនេះមិនមែនជាសមរភូមិទេ ៕
ចែករំលែកព័តមាននេះ