ស្រាវជ្រាវមិនដល់ ២ថ្ងៃ ចាប់ខ្លួនចោរគា.ស់ផ្ទះលួចម៉ូតូ ព្រមទាំងដកហូតម៉ូតូ ជូនជនរងគ្រោះវិញ
- សៀមរាប
ខេត្តសៀមរាប៖ ដោយអនុវត្តតាមបទបញ្ជាដ៏ម៉ឺងម៉ាត់របស់ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប ក៏ដូចជាលោក គិម វណ្ណៈ អភិបាលស្រុកសូទ្រនិគម ព្រមទាំងមានកិច្ចសម្របសម្រួលនីតិវិធីពីផែនការងារនគរ បាលយុត្តិធម៌ កម្លាំងអធិការដ្ឋាន សហការជាមួយកម្លាំងប៉ុស្ដិ៍នគរបាលរដ្ឋបាលសំរោង ដឹកនាំបញ្ជាផ្ទាល់ដោយលោកវរសេនីយ៍ឯក ឃីម ផល្លា អធិការនគរបាលស្រុកសូទ្រនិគមបានចុះស្រាវជ្រាវករណីអំពើកាប់គាស់ទម្លុះ ទម្លាយយកម៉ូតូ ០១គ្រឿង រហូតឃាត់ខ្លួនជនសង្ស័យ ០១នាក់ ឈ្មោះ កូយ សុជាតិ ភេទប្រុស អាយុ ២៦ឆ្នាំ ទីកន្លែងកំណើត និងអាសយដ្ឋានបច្ចុប្បន្ននៅភូមិរទាំង ឃុំកំពង់ឃ្លាំង ស្រុកសូទ្រនិគម ខេត្តសៀមរាប។
ហេតុការណ៍ឃាត់ខ្លួនជនសង្ស័យម្នាក់នេះ ធ្វើឡើងនៅថ្ងៃទី៣០ខែសីហានិងឃាត់ខ្លួនបាននៅថ្ងៃទី៣១ខែសីហាឆ្នាំ២០២៦ស្ថិត នៅចំណុចក្នុងផ្ទះ ជនរងគ្រោះ ក្នុងភូមិថ្នល់ចែក ឃុំសំរោង ស្រុកសូទ្រនិគម ។
បើតាមប្រភពពីសមត្ថកិច្ចនគរបាលជំនាញបានប្រាប់ឱ្យដឹងនៅរសៀលថ្ងៃទី១ ខែកញ្ញា ឆ្នាំ២០២៦ នេះថា បន្ទាប់ពីបានទទួលពាក្យបណ្តឹងរបស់ជនរងគ្រោះ និង ដោយមានបទបញ្ជាផ្ទាល់ពីលោកឧត្តមសេនីយ៍ ទោ ហួតសុធី ស្នងការនគរបាលខេត្តសៀមរាប បានឱ្យ លោកវរសេនីយ៍ឯក ឃឹម ផល្លា អធិការនគរបាលស្រុកសូទ្រនិគម ដឹកនាំកម្លាំងចុះសហការជាមួយ មន្ត្រីនគរបាលប៉ុស្តិ៍សំរោង រហូតឈានដល់ធ្វើការឃាត់ខ្លួនបានជនសង្ស័យ ម្នាក់ រួចយកមកធ្វើ ដំរាបតាម នៅកន្លែងកើតហេតុ ។
និងបានដកហូតវត្ថុតាងម៉ូតូ ០១គ្រឿងម៉ាក JINCHENG ពណ៌ខ្មៅ ផលិតឆ្នាំ២០១៨ ពាក់ស្លាកលេខ រដ្ឋ14 1-0388 ប្រគល់ជូនជនរងគ្រោះយកទៅប្រើប្រាស់វិញ ករណីខាងលើ នេះសមត្ថ កិច្ចយើងបានកសាងសំណុំរឿង និងបញ្ជូនខ្លួនជនសង្ស័យទៅការិយាល័យជំនាញខេត្ត កំពុង ដើម្បីបន្តនីតិវិធី នៅថ្ងៃទី៣១ ខែសីហា ឆ្នាំ២០២៦ និង រៀបចំកសាងសំណុំរឿងបញ្ជូន ជនសង្ស័យ បន្ត ទៅកាន់តុលាការ ខេត្តសៀមរាប នៅព្រឹកថ្ងៃទី១ ខែកញ្ញា ឆ្នាំ២០២៦ ដើម្បីចាត់ការតាមនីវិធី របស់ តុលាការខេត្តសៀមរាប ផងដែរ៕
ចែករំលែកព័តមាននេះ