ឃាត់ខ្លួនជនសង្ស័យ២នាក់ ចូលទៅកា.ប់ជនរងគ្រោះក្នុងរោងចិញ្ចឹមមាន់
- ពោធិ៍សាត់
ខេត្តពោធិ៍សាត់ ៖ ថ្ងៃទី៣០ ខែសីហា ឆ្នាំ២០២៦ ដោយអនុវត្តតាមមតិដឹកនាំដ៏ខ្ពស់ខ្ពស់របស់ លោកឧត្តមសេនីយ៍ទោ ស ថេង ស្នងការនគរបាលខេត្ត លោកវរសេនីយ៍ឯក យន ប៊ុនធា អធិការនគរបាលស្រុកបាកាន បានដឹកនាំកម្លាំង នៃអធិដ្ឋាននគរបាលស្រុកបាកាន ចុះបង្ក្រាបករណីហឹង្សាដោយចេតនាមានស្ថានទម្ងន់ទោស និងឃាត់ខ្លួនជនសង្ស័យ ០២នាក់ ដែលបានធ្វើសកម្មភាពប្រដាប់ដោយកាំបិតចំនួន ០២ដើម ចូលទៅក្នុងរោងចិញ្ចឹមមាន់នឹងបានកាប់ប្រហារលើជនរងគ្រោះដែលកំពុងដេក បណ្តាលឱ្យរងរបួសធ្ងន់ត្រង់ផ្ទៃមុខ និងដៃ។
មូលហេតុដោយសារជនរងគ្រោះមានទំនាស់ពាក្យសម្ដីជាមួយជនសង្ស័យ ដែលបានកើតឡើងកាលពីថ្ងៃទី២៨ ខែសីហា ឆ្នាំ២០២៦ វេលាម៉ោង ១១យប់ ស្ថិតនៅភូមិផ្ទះស្លា ឃុំខ្នារទទឹង ស្រុកបាកាន។
ជនសង្ស័យដែលឃាត់ខ្លួនបានរួមមាន៖
១. ឈ្មោះ ភុន ពន្លឺ ភេទប្រុស អាយុ ១៦ ឆ្នាំ
២. ឈ្មោះ ភាន ពិសិដ្ឋ ភេទប្រុស អាយុ២០ឆ្នាំ ទាំងពីរនាក់រស់នៅភូមិផ្ទះស្លា ឃុំខ្នារទទឹង ស្រុកបាកាន ខេត្តពោធិ៍សាត់។
វត្ថុតាងដែរជនសង្ស័យប្រើសម្រាប់ធ្វើសកម្មភាពមាន៖
១.កាំបិតចំនួន ២ដើម
២.ម៉ូតូ ធុនសង់ឌ្រីម ពណ៌ខ្មៅ ស៊េរីឆ្នាំ២០២៥ ០១គ្រឿង។
បច្ចុប្បន្នជនរងគ្រោះត្រូវបានគ្រួសារបញ្ចូនមកសម្រាកព្យាបាលនៅមន្ទីរពេទ្យខេត្ត។ រីឯជនសង្ស័យរួមជាមួយវត្ថុតាងខាងលើ បានបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តពោធិ៍សាត់ ដើម្បីចាត់ការតាមនីតិវិធី៕
ចែករំលែកព័តមាននេះ