ខេត្តកណ្តាល ៖ អគ្គនាយកដ្ឋានពន្ធនាគារ បានប្រកាសនាថ្ងៃទី២៩ ខែសីហានេះថា ៖ អគ្គនាយកដ្ឋានពន្ធនាគារ បានប្រកាសថា ជនជាប់ឃុំមួយចំនួន ត្រូវបានផ្ទេរចេញពីពន្ធនាគារខេត្តកណ្តាល ទៅឃុំបន្តនៅមណ្ឌលអប់រំកែប្រែទី៤(ម៤)។
អគ្គនាយកដ្ឋានពន្ធនាគារ បានបន្តថា ដោយបានការអនុញ្ញាតជាគោលការណ៍ដ៏ខ្ពង់ខ្ពស់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រី្តក្រសួងមហាផ្ទៃ អគ្គនាយកដ្ឋានពន្ធនាគារ សហការជាមួយនឹងសមត្ថកិច្ចគោលដៅពាក់ព័ន្ធ រាជធានីភ្នំពេញ ខេត្តកណ្តាល ខេត្តកំពង់ឆ្នាំង និងខេត្តពោធិ៍សាត់ បានធ្វើការផ្ទេរ និងដឹកជញ្ជូនជនជាប់ឃុំចេញពីពន្ធនាគារខេត្តកណ្តាល ទៅឃុំបន្តនៅមណ្ឌលអប់រំកែប្រែទី៤ ក្រោមការចង្អុលបង្ហាញពីឯកឧត្ដម ឧត្ដមអគ្គានុរក្ស.១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានឱ្យនាយកដ្ឋានសន្តិសុខពន្ធនាគារ ក្រោមការចុះអនុវត្តន៍បញ្ជាផ្ទាល់ដោយ ឯកឧត្តម ឧត្តមអគ្គានុរក្សថ្នាក់លេខ១ មាន ថាវរិន្ធ ប្រធាននាយកដ្ឋានសន្តិសុខពន្ធនាគារ ដឹកនាំកម្លាំងប្រតិបត្តិការប្រកបដោយសុវត្ថិភាព ៕
ចែករំលែកព័តមាននេះ