ឈូសឆាយដីធ្វើទ្រុងមាន់ ប្រទះឃើញព្រះសីសៈព្រះពុទ្ធបដិមាចំនួន១៧ និងស្បង់ចីវរជាច្រើន តែពុំមានអ្នកដឹងពីប្រវត្តិ
- បាត់ដំបង
ខេត្តបាត់ដំបង ៖ ព្រះសីសៈព្រះពុទ្ធបដិមាចម្លាក់ចេញពីថ្ម ដែលមានទំហំប៉ុនៗកដៃយ៉ាងតិចចំនួន១៧ ត្រូវបានគ្រួសារមួយប្រទះឃើញកប់ក្នុងដី ដែលគេរុំវេចខ្ចប់ដោយស្បង់ចីវរជាច្រើនជាន់ផង កាលពីរសៀលថ្ងៃទី ២៩ សីហា នៅចំណុចភូមិដាំស្ពៃ សង្កាត់ស្លាកែត ក្រុងបាត់ដំបង នៅពេលពីរនាក់ប្ដីប្រពន្ធនោះ កំពុងឈូសឆាយដីនៅខាងក្រោយផ្ទះ ដើម្បីធ្វើទ្រុងមាន់។
លោក ម៉ី សុខខុម វ័យជាង៥០ឆ្នាំ និង ភរិយាឈ្មោះ រុណ រីណា អាយុ៣០ឆ្កាំ ជាអ្នកប្រទះឃើញព្រះសីសៈព្រះពុទ្ធព្រះបដិមាទាំង១៧ ខាងលើនោះ នៅខាងក្រោយផ្ទះគាត់ នៅពេលពួកគាត់ឈូសឆាយដីចាស់ ដើម្បីធ្វើទ្រុងមាន់។ នេះបើតាមការបំភ្លឺពីដំណើររឿងនេះរបស់អ្នកស្រី រុណ រីណា។
អ្នកស្រីបានប្រាប់កោះសន្តិភាពថា ដីដែលគាត់ឈូសឆាយបំរុងធ្វើទ្រុងមាន់នោះជាដីចាស់ មានសង់ខ្ទមនិងដាំដើមឈើខ្លះៗ។ ពេលនោះស្វាមី និង រូបគាត់ក៏បានរុះរើរោងចាស់ចេញ ហើយឈូសឆាយសម្អាតដី។ គាត់បានបញ្ជាក់ថា ពេលដែលប្ដីគាត់គាស់រម្លើងដើម«មន»ធំមួយដើម ស្រាប់តែប្រទះឃើញព្រះសីសៈព្រះពុទ្ធបដិមាតូចមួយផុសឡើង ហើយគាត់ក៏រើសមកពិនិត្យ។
គ្រានោះប្ដី៏គាត់ក៏ជីកកកាយថែមទៀត ស្រាប់តែឃើព្រះសីសៈព្រះពុទ្ធបដិមាជាច្រើននៅខាងក្រោមដើម«មន» ដែលត្រូវគេរុំ ឬ វេចខ្ចប់នឹងស្កបង់ចីវរជាច្រើនជាន់។ អ្នកស្រី រុណ រីណា បានបញជាក់ថា ពេលប្ដីគាត់ជីកគាស់យកព្រះសីសៈ ចេញមកក៏ប្រទះឃើញស្បង់ចីវរជាច្រើនទៀត មានទាំងថង់យាមរបស់ព្រះសង្ឃផង។
បើតាមការពិនិត្យជាក់ស្ដែង ព្រះសីសៈ ព្រះពុទ្ធបដិមាចំនួន១៧ ខាងលើនោះ ជាចម្លាក់ថ្ម តែគេមិនស្កាល់ប្រភេទថ្ម តែគេមិនស្គាល់ប្រភេទថ្មនោះទេ។ ព្រះសីសៈព្រះពុទ្ធបដិមាមានតូច មានធំ ប៉ុនៗ.កដៃ ដែលត្រូវគេវេចខ្ចប់នឹងស្បង់ចីវរច្រើនជាន់កប់នៅក្នុងដី។ ពុំមានប្រភព ឬ គ្មានចាស់ព្រឹទ្យចារ្យណាម្នាក់នៅក្នុងភូមិ បានដឹងឬបានស្កាល់ពីប្រវត្តិ«អ្នកកប់ព្រះសីសៈព្រះពុទ្ធបដិមា»នេះទេ។
បើតាមអ្នកស្រី រុណ រីណា បានបញ្ជាក់ថា ទីតាំងដែលប្រទះឃើញព្រះសីសៈព្រះពុទ្ធបដិមា គឺ ជាដីប្អូនទិញទុកយូរហើយ តែមិនគាត់មិនដឹងពីប្រវត្តិដីនោះយ៉ាងណាទេ លុះដល់ពេលគាត់និងស្វាមីឈូសឆាយបំរុងធ្វើទ្រុងមាន់ បែរជាប្រទះឃើញព្រះសីសៈព្រះពុទ្ធបដិមាជាច្រើនអង្គ។ ប៉ុន្តែយ៉ាងណា បើតាមអ្នកស្រី បានបញ្ជាក់បន្ថែមថា គាត់និងស្វាមី រួមទាំងអ្នកភូមិផង បានសម្រេចប្រកេន ព្រះសីសៈព្រះពុទ្ធបដិមាទាំង១៧ និងវត្តុនានា ដែលពាក់ព័ន្ធ ជូនដល់ព្រះគ្រូចៅអធិការវត្តពោធិវង្សគ្រប់គ្រងហើយ៕
ចែករំលែកព័តមាននេះ