ខេត្តស្វាយរៀង ៖ ព័ត៌មានបឋមឲ្យដឹងថា ប្រជាពលរដ្ឋប្រទះឃើញសពអណ្តែតទឹកក្នុងរណ្តៅដីដ៏ធំមួយកន្លែង បង្កឲ្យមានការភ្ញាក់ផ្អើល ហើយរាយការណ៍ជូនសមត្ថកិច្ចចុះមកអន្តរាគមន៍ ។
ការប្រទះឃើញសពអណ្តែតទឹកនេះ កើតឡើងនៅវេលាម៉ោង៦និង២០នាទីល្ងាចថ្ងៃទី២៧ សីហា ២០២៦ នៅក្នុងទឹកស្រះរណ្តៅដីខ្នាតយក្សខាងក្រោយរោងចក្រឬស្សីអម ស្ថិតក្នុងភូមិព្រៃចំណា ឃុំខ្សែត្រ ស្រុកកំពង់រោទ៌ ។
ប្រភពបញ្ជាក់ថា រណ្តៅដីខ្នាតយក្សនេះ ត្រូវបានក្រុមហ៊ុនជីករណ្តៅយកអាចម៌ដីតំបន់សេដ្ឋកិច្ចពិសេស សាងសង់រោងចក្រ ជីកជ្រៅដល់ក្បាលប្រែត នៅរដូវវស្សា មានភ្លៀងធ្លាក់ទឹកហូពីអូរចូលរណ្តៅពេញព្រៀប ទើបមានមនុស្សលង់ទឹកក្នុងរណ្តៅដីស្លាប់បែបនេះ ។
ហើយសព គឺជាសពមនុស្សប្រុស ស្លៀកសំលៀកបពាក់ខោខ្មៅអាវខ្មៅ បើបងប្អូនណាមានបាត់សាច់ញាតិ សមាជិកគ្រួសារសូមមកមើលនៅភូមិព្រៃចំណាឃុំខ្សែត្រស្រុកកំពង់រោទ៌។ ករណីនេះដែរ មិនទាន់ដឹងមូលហេតុច្បាស់លាស់នៅឡើយទេ សមត្ថមិច្ចកំពុងពិនិត្យ ៕
ចែករំលែកព័តមាននេះ