អាជ្ញាធរខេត្តកោះកុង ដុតកម្ទេចគ្រឿងញៀ.នរឹបអូសបាន និងអំពាវនាវឱ្យពលរដ្ឋជៀសឆ្ងាយពីថ្នាំញៀ.ន
- កោះកុង
ខេត្តកោះកុង៖ នាព្រឹកថ្ងៃអង្គារ ១២កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៥ ខែសីហា ឆ្នាំ២០២៦ អាជ្ញាធរខេត្តកោះកុង បានរៀបចំពិធីអបអរសាទរ «ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា» រួមជាមួយពិធីដុតបំផ្លាញវត្ថុតាងគ្រឿងញៀនដែលរឹបអូសបាន ។
ក្រោមអធិបតីភាពឯកឧត្ដម នាយឧត្ដមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន។ លោក ជំទាវ ឈី វ៉ា អភិបាលខេត្តកោះកុង តំណាងអយ្យការ និងមន្ត្រីពាក់ព័ន្ធយ៉ាងច្រើនកុះករ ។
ការ ប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា នេះឡើងក្នុងគោលបំណងដើម្បីបំផុសស្មារតីពលរដ្ឋទាំងអស់ លើសកលលោកឱ្យចូលរួមសកម្មផុលផុសតាមគ្រប់រូបភាព មធ្យោបាយ វិធីសាស្ត្រ និងយុទ្ធនាការនានា សំដៅធ្វើ យ៉ាងណារារាំង ទប់ស្កាត់ កាត់បន្ថយ និងឈានទៅ លុបបំបាត់ទាំងស្រុងរាល់ការប្រើប្រាស់ ការចែកចាយ ការ ចរាចរ និងរាល់ឧក្រិដ្ឋកម្មគ្រឿងញៀន ពិសេស ដើម្បី លើកកម្ពស់ការយល់ដឹងជាសកលអំពីផលប៉ះពាល់នៃ គ្រោះថ្នាក់ដែលកើតចេញពីគ្រឿងញៀនចំពោះមនុស្ស គ្រួសារ សន្តិសុខសណ្តាប់ធ្នាប់សាធារណៈ និងការអភិវឌ្ឍ សង្គម។
ជាមួយគ្នានេះ អាជ្ញាធរខេត្តកោះកុងបានអំពាវនាវយ៉ាងទទូចដល់ប្រជាពលរដ្ឋ ជាពិសេសក្រុមយុវជន ឱ្យជៀសឆ្ងាយពីគ្រឿងញៀន និងសហការផ្តល់ព័ត៌មានជូនសមត្ថកិច្ចនៅពេលជួបប្រទះសកម្មភាពសង្ស័យ ដើម្បីរួមគ្នាលុបបំបាត់គ្រឿងញៀនឱ្យអស់ពីសហគមន៍។
ថ្នាំញៀនត្រូវបានដកហូតតាមរយៈអំណាចសាលក្រម និង សាលដីកាស្ថាពរ ដើម្បីសម្រេចរឹបអូសបំផ្លាញចោលសរុប ថ្នាំញៀនមានចំនួន ៦៥ សំណុំរឿង (ទម្ងន់សរុប ៤,៤៨៣ គីឡូក្រាម និង ១៤.៤ ក្រាម) ៕
គ្រឿងញៀនដែលត្រូវបានដុតបំផ្លាញចោលរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក) ចំនួន ៤,០៨១ ដុំ, ៣៨៥ កញ្ចប់, ៣៨ កំណាត់ទុយោ និងថ្នាំគ្រាប់ WY ២ គ្រាប់ មានទម្ងន់សរុបស្មើនឹង ៤,០៧១ គីឡូក្រាម និង ៥២០.៤ ក្រាម (ថ្លឹងទាំងសំបក)។ ថ្នាំញៀនប្រភេទកេតាមីន ចំនួន ៤១៥ ដុំ មានទម្ងន់ស្មើនឹង ៤១១ គីឡូក្រាម និង ៤៩៤ ក្រាម (ថ្លឹងទាំងសំបក) ឧបករណ៍សម្រាប់ជក់ និងសម្ភារៈ ប្រើប្រាស់គ្រឿងញៀនមួយចំនួន៕
ចែករំលែកព័តមាននេះ