ក្រសួងអប់រំកំពុងតែរៀបចំដាក់ឱ្យដំណើរការប្រើប្រាស់អាជ្ញាបណ្ណតាមអេឡិចត្រូនិក
- ភ្នំពេញ
ដើម្បីជំរុញប្រសិទ្ធភាពការងារសេវាកម្មពាក់ព័ន្ធនឹងវិស័យអប់រំ យុវជន និងកីឡា ក្រសួងជំនាញនេះ បានកំពុងតែប្រមូលធាតុចូល ដើម្បីដាក់ឲ្យដំណើរការលើការប្រើប្រាស់អាជ្ញាបណ្ណតាមអេឡិចត្រូនិក ។
កិច្ចប្រជុំពាក់ព័ន្ធនឹងកិច្ចការនេះ គឺត្រូវបានដឹកនាំដោយលោក ហង់ ជួនណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា ដែលបានប្រពឹត្តទៅ កាលពីថ្ងៃទី២៥ ខែសីហា ឆ្នាំ២០២៦ ។
នៅក្នុងកិច្ចប្រជុំនេះ លោកឧបនាយករដ្ឋមន្ត្រី បានគូសបញ្ជាក់ពីសារសំខាន់នៃការពិនិត្យលើការផ្ដល់យោបល់របស់វិស័យឯកជន ដើម្បីកែលម្អសេចក្ដីណែនាំ ឬប្រព័ន្ធដាក់ដំណើរការអាជ្ញាបណ្ណតាមអេឡិចត្រូនិកឱ្យបានគ្រប់ជ្រុងជ្រោយ ដើម្បីធានាបានថា ប្រព័ន្ធអនឡាញនេះ ពិតជាផ្ដល់ភាពងាយស្រួល ច្បាស់លាស់ និងមានតម្លាភាព អនុលោមតាមគោលនយោបាយអាទិភាពរបស់រាជរដ្ឋាភិបាលកម្ពុជា ស្ដីពីការចុះបញ្ជីអាជីវកម្មតាមប្រព័ន្ធបច្ចេកវិទ្យាព័ត៌មាន តាមរយៈការផ្លាស់ប្ដូរទិន្នន័យកម្ពុជា
(ហៅកាត់ថា CamDX) ដើម្បីចូលរួមលើកកម្ពស់បរិយាកាសការធ្វើធុរកិច្ចនៅកម្ពុជា ។
ចែករំលែកព័តមាននេះ