អាមេរិកបង្កើនការនាំចេញផលិតផលទឹកដោះគោមកកម្ពុជារហូតដល់៦០០ភាគរយ
- ភ្នំពេញ
ស្ថានទូតអាមេរិកប្រចាំនៅកម្ពុជាបានអះអាង នៅថ្ងៃទី២៦ ខែសីហា ឆ្នាំ២០២៦ ថា សហរដ្ឋអាមេរិក កំពុងពង្រីកវត្តមានផលិតផលអាមេរិកនៅក្នុងប្រទេសកម្ពុជា ព្រមទាំងកសាងទំនាក់ទំនងពាណិជ្ជកម្មឱ្យកាន់តែរឹងមាំ រវាងក្រុមហ៊ុនអាមេរិក និងដៃគូពាណិជ្ជកម្មកម្ពុជា។
ប្រភពដដែលបានបន្តថា នៅក្នុងចំណោមផលិតផលទាំងអស់ ទឹកដោះគោត្រូវបានគេដឹងថា គឺជាទំនិញមួយដែលសហរដ្ឋអាមេរិកបានបង្កើនការនាំចេញមកកាន់កម្ពុជាច្រើនបំផុតមួយ ។
ប្រភពដដែលបានបន្តថា ការនាំចេញផលិតផលទឹកដោះគោពីសហរដ្ឋអាមេរិកមកកាន់កម្ពុជា បានកើនឡើងរហូតដល់៦០០ ភាគរយ នៅក្នុងឆមាសទីមួយនៃឆ្នាំ២០២៦ ដែលផ្តល់ឱកាសឱ្យអតិថិជនកម្ពុជាបានរីករាយជាមួយទឹកដោះគោ និងឈីសរបស់អាមេរិកដែលមានគុណភាពខ្ពស់ និងសម្បូរទៅដោយជីវជាតិ។
ពាក់ព័ន្ធនឹងបច្ចុប្បន្នភាពនៃទីផ្សារផលិតផលមួយនេះ លោកស្រី គ្រីស្តា ហាដេន (Krysta Harden) ប្រធានក្រុមប្រឹក្សាការនាំចេញផលិតផលពីទឹកដោះគោអាមេរិក បានអញ្ជើញមករាជធានីភ្នំពេញ ដើម្បីអបអរសាទរសមិទ្ធផលជោគជ័យដ៏អស្ចារ្យ នៃផលិតផលទឹកដោះគោអាមេរិកក្នុងប្រទេសកម្ពុជា។
មកដល់ពេលនេះ សហរដ្ឋអាមេរិក គឺជាប្រទេសផលិតផលិតផលទឹកដោះគោធំជាងគេទីពីរនៅលើពិភពលោក ហើយមានផលិតផលឈីសច្រើនជាង១.០០០ប្រភេទ។
ចែករំលែកព័តមាននេះ