ខេត្តកណ្តល ៖ ឈើគ្រញូងជាង១០០ដុំឈ្មួញកំពុងលើកដាក់កាណូតបម្រុងនាំចេញទៅ ប្រទេសវៀតណាមត្រូវបានកម្លាំងប៉ូលិសអន្តោរប្រវេសន៍សហការជា មួយប៉ូលិសសេដ្ឋកិច្ចធ្វើការបង្ក្រាបបានកាលពីវេលាម៉ោង១០ យប់ថ្ងៃទី៨សីហា នៅចំណុចក្បែរច្រាំងទន្លេបាសាក់ស្ថិតនៅភូមិកោះទាវ ឃុំសំពៅ
ខេត្តកណ្តល ៖ ឈើគ្រញូងជាង១០០ដុំឈ្មួញកំពុងលើកដាក់កាណូតបម្រុងនាំចេញទៅប្រទេសវៀតណាមត្រូវបានកម្លាំងប៉ូលិសអន្តោរប្រវេសន៍សហការជាមួយប៉ូលិសសេដ្ឋកិច្ចធ្វើការបង្ក្រាបបានកាលពីវេលាម៉ោង១០យប់ថ្ងៃទី៨សីហា នៅចំណុចក្បែរច្រាំងទន្លេបាសាក់ស្ថិតនៅភូមិកោះទាវ ឃុំសំពៅពូន ស្រុកកោះធំ។
លោកសេង គឹមឃន នាយប៉ុស្តិ៍ប៉ូលិសច្រក ទ្វារព្រំដែនទ្វេភាគីខ្នាតាំងយូបានឱ្យដឹងថា ដោយការអនុវត្តតាមបទបញ្ជារបស់លោកស្នងការប៉ូលិសខេត្ត កម្លាំងប៉ូលិសបានធ្វើការសហការស្រាវជ្រាវ និងបង្ក្រាបរាល់បទល្មើសសេដ្ឋកិច្ចខុសច្បាប់នោះ។ ក្រោយពីបានទទួលព័ត៌មានថា មានឈ្មួញរកស៊ីឈើគ្រញូងខុសច្បាប់កំពុងធ្វើសកម្មភាពជញ្ជូនឈើគ្រញូងចុះទូកកបម្រុងនាំចេញទៅប្រទេសវៀតណាមនៅភូមិកោះទាវ ឃុំសំពៅពូន ស្រុកកោះធំ ជាបន្ទាន់នោះកម្លាំងប៉ូលិសសេដ្ឋកិច្ច និងប៉ូលិសប៉ុស្តិ៍រដ្ឋបាលជាក់ស្តែង កាលពីវេលាម៉ោង១០យប់ថ្ងៃទី៨ សីហា ក៏បានចុះបង្ក្រាបរឹបអូសឈើគ្រញូងចំនួន១៣៤ដុំ និងទូកម៉ាស៊ីនមួយគ្រឿង ចំណែកម្ចាស់ឈើ និងកម្មករបានរត់គេចខ្លួនបាត់។ ឈើគ្រញូងទាំងនោះ នឹងត្រូវបញ្ជូនមកកាន់ស្នងការប៉ូលិសខេត្តកណ្តាល ដើម្បីប្រគល់ទៅឱ្យខណ្ឌរដ្ឋបាលព្រៃឈើចាត់ការតាមជំនាញបន្តទៀត។ គេមានការកត់សម្គាល់ថា បើទោះបីសមត្ថកិច្ចបានអនុវត្តច្បាប់តឹងរឹងក្នុងការបង្ក្រាបបទល្មើសព្រៃឈើយ៉ាងណាក៏ដោយក៏ឈ្មួញទុច្ចរិតនៅតែបន្តលួចលាក់ប្រព្រឹត្តតាមគ្រប់រូបភាពដដែល៕
ចែករំលែកព័តមាននេះ