សង្គ្រាមអ៉ីរ៉ង ៖ លេខាធិការក្រុមប្រឹក្សាសន្តិសុខជាតិជាន់ខ្ពស់អ៉ីរ៉ង់ លោកមូហ៍សេនរីហ្សៃអ៉ីថ្លែង កាលពីថ្ងៃទី២២ សីហា ថា គ្រប់ប្រទេសទាំងអស់ដែលចូលរួមក្នុងសង្គ្រាមពាណិជ្ជកម្មរបស់អាមេរិកប្រឆាំងខ្លួន នឹងត្រូវចាត់ទុកជាសត្រូវ ។
បន្ទាប់ពីការប្រកាសរបស់ក្រុងវ៉ាស៊ីនតោន ពង្រឹងទណ្ឌកម្មសេដ្ឋកិច្ច សំដៅបង្កើនការគាបសង្កត់លើអ៉ីរ៉ង់ លោកមូហ៍សេនរីហ្សៃអ៉ី ថ្លែងតាមទូរទស្សន៍រដ្ឋថា យើងសូមប្រកាសដល់គ្រប់រដ្ឋនៅជុំវិញយើងនិងគ្រប់ប្រទេសលើពីភពលោកថា ចូរកុំចូលរួមក្នុងសង្គ្រាមពាណិជ្ជកម្មដែលធ្វើដោយអាមេរិក។
ប្រសិនបើបណ្ដាប្រទេសដែលទាក់ទិនមិនព្រមស្ថិតនៅឆ្ងាយពិអាមេរិក នោះអ៉ីរ៉ង់នឹងបង្កការប៉ះពាល់ដល់ផលប្រយោជន៍ពួកគេ។ លោកបន្តថា យើងនៅមិនទាន់វាយប្រហារផលប្រយោជន៍អាមេរិកណាមួយនៅឡើយទេ ហើយរហូតមកទល់ពេលនេះយើងតម្រង់គោលដៅវាយប្រហារតែលើបណ្ដាមូលដ្ឋានយោធាប៉ុណ្ណោះ ប៉ុន្តែប្រសិនបើគេចង់ធ្វើសង្គ្រាមសេដ្ឋកិច្ចជាមួយយើងសូមកុំភ្លេចថា អាមេរិកមានបណ្ដាសហគ្រាសប្រេងនិងសេដ្ឋកិច្ចនៅជុំវិញអ៉ីរ៉ង់ និងនៅកន្លែងផ្សេងៗទៀត ហើយយើងនឹងវាយប្រហារសហគ្រាសទាំងនោះ។ ប្រសិនបើលោកដូណាល់ត្រាំធ្វើសកម្មភាពប្រឆាំងយើង នោះការប្រឈមមុខរបស់គេនឹងប្រៀបដូចជាការរញ្ជួយដីមួយដូច្នោះដែរ ។
មុននេះអាមេរិកអំពាវនាវដល់បណ្ដារដ្ឋាភិបាលពិសេសចិន ឲ្យចូលរួមក្នុងការខិតខំប្រឹងប្រែងដែលសំដៅធ្វើឲ្យសេដ្ឋកិច្ចអ៉ីរ៉ង់នៅឯកោ។ ទោះបីយ៉ាងណា ចិនជាដៃគូយុទ្ធសាស្ត្រសម្រាប់អ៉ីរ៉់ង់បានរិះគន់ការផ្ដួចផ្ដើមគំនិតនោះដោយវាយតម្លៃថា បណ្ដាទណ្ឌកម្មនិងការគាបសង្កត់របស់អាមេរិកនឹងមិនអាចដោះស្រាយជម្លោះនៅមជ្ឈឹមបូព៌ាបានឡើយ។ ក្នុងចំណោមដៃគូពាណិជ្ចកម្មរបស់អ៉ីរ់ង់មានតែប្រទេសអេមីរ៉ាត់អារ៉ាប់រួមមួយទេ ដែលប្រកាស ពីការផ្អាករហូតដល់មានបទបញ្ជាជាថ្មីរាល់ការផ្លាស់ប្ដូរពាណិជ្ជកម្មនិងការទូទាត់ហិរញ្ញវត្ថុជាមួយអ៉ីរ៉ង់៕
ចែករំលែកព័តមាននេះ