ចិន-ជប៉ុ់ន ៖ បណ្ដាសមាជិកសភាជប៉ុន មកពីគណបក្សកាន់អំណាច និងគណបក្សប្រឆាំង បានមកបំពេញទស្សនកិច្ចមួយនៅក្រុងប៉េកាំង រហូតដល់ថ្ងៃទី២៧ សីហា ដោយនៅទីនោះសង្ឃឹមថា អាចជួបជាមួយបណ្ដាអ្នកទទួលខុសត្រូវបក្សកុំមុយនីស្ត
ចិន។ នោះជាទស្សនកិច្ចលើកទីមួយហើយរបស់បណ្ដាអ្នកនយោបាយជប៉ុន ចាប់តាំងពីទំនាក់ទំនងរវាងប្រទេសជិតខាងទាំង២ ធ្លាក់ចុះដុនដាបខ្លាំង កាលពីខែវិច្ឆិកាកន្លងទៅនេះ។
ពេលនោះ នាយករដ្ឋមន្ត្រីជប៉ុន លោកស្រីសាណាអេតាកាអ៉ីជីលើកឡើងថា ជប៉ុនអាចធ្វើអន្តរាគមន៍ ក្នុងករណីមានការវាយប្រហារ និងឡោមព័ទ្ធកោះតៃវ៉ាន់ដោយចិនដីគោក ។ នេះជាបន្ទាត់់ក្រហមសម្រាប់ក្រុងប៉េកាំង។ ចាប់តាំងពីពេលនោះមកចិនបានបង្កើនការគាបសង្កត់លើជប៉ុន ដោយរិតដ្បិតពាណិជ្ជកម្មពិសេស លើដីកម្រហើយអំពាវនាវដល់ប្រជាជនចិនឲ្យចៀសវាងកុំធ្វើដំណើរមកកាន់ជប៉ុន។ ចំណែកជប៉ុនវិញបានជម្រុញការបំពាក់អាវុធជាថ្មី ហើយរិតចំណងទាក់ទងយោធាក្នុងតំបន់។
ប៉ុន្តែគណៈប្រតិភូសភាជប៉ុននោះមិនមានអាណត្តិផ្លូវការណាមួយ របស់រដ្ឋាភិបាលជប៉ុនឡើយ។ សម្រាប់បណ្ដាអ្នកជំនាញការចិនយល់ថា ទស្សនកិច្ចនេះយ៉ាងហោចណាស់ ក៏ដើម្បីរារាំងការកាត់ផ្ដាច់ទាំងស្រុងការចរចាដែរ។ ទស្សនកិច្ចរបស់បណ្ដាសមាជិកសភាជប៉ុននេះ អាចស្ដារបានខ្លះការចរចានយោបាយ តែការខ្វែងគំនិតគ្នាខ្លាំងនៅតែមានលើបញ្ហាតៃវ៉ាន់ និងសន្តិសុខតំបន់។ ក្នុងរយៈពេលខ្លីទស្សនកិច្ចនេះពិសេស អាចទប់ភាពតានតឹងដោយមិនមែនជាការខិតចូលជិតគ្នាពិតប្រាកដរវាងក្រុងប៉េកាងនិងក្រុងតូក្យូឡើយ ៕
ចែករំលែកព័តមាននេះ