ខេត្តកំពង់ចាម ៖ អាជ្ញាធរស្រុកកោះសូទិន ចុះពិនិត្យផ្លូវលេខ ៧០B ក្រោយទឹកជំនន់ហូរកាត់ ដើម្បីធានាសុវត្ថិភាពជូនពលរដ្ឋ ។
ជាក់ស្តែងរដ្ឋបាលស្រុកកោះសូទិន បានប្រកាសនាព្រឹក ថ្ងៃទី២៤ ខែសីហានេះ ដើម្បីធានាសុវត្ថិភាពក្នុងការធ្វើដំណើររបស់ប្រជាពលរដ្ឋ ថ្នាក់ដឹកនាំរដ្ឋបាលស្រុកកោះសូទិន ដឹកនាំដោយលោក ហេង ហ៊ុន ប្រធានក្រុមប្រឹក្សាស្រុក រួមដំណើរជាមួយលោកអភិបាលរងស្រុកទាំង ៣រូប មន្ត្រីជំនាញ និងកម្លាំងប៉ុស្តិ៍នគរបាលមូលដ្ឋាន បានចុះពិនិត្យស្ថានភាពជាក់ស្តែង នៅតាមបណ្តោយផ្លូវលេខ ៧០B ត្រង់ចំណុចលូ២ ភូមិទួលកំពត ឃុំពាមប្រធ្នោះ។
ការចុះអធិការកិច្ចនេះ ធ្វើឡើងដើម្បីតាមដានផលប៉ះពាល់ពីទឹកជំនន់ដែលកំពុងហូរកាត់ផ្លូវ និងសម្រួលដល់ការធ្វើចរាចរណ៍របស់ប្រជាពលរដ្ឋឱ្យបានទាន់ពេលវេលា ។
ចែករំលែកព័តមាននេះ