សង្គ្រាមអ៊ុយក្រែន ៖ បណ្ដាមេដឹកនាំលោកខាងលិច បានមកដល់ក្រុងគៀវ កាលពីចុងសប្ដាហ៍កន្លងទៅ ដើម្បីចូលរួមក្នុងកិច្ចប្រជុំកំពូល G8 BALTIQUE មុនពិធីបុណ្យឯករាជ្យជាតិអ៊ុយក្រែនថ្ងៃទី២៤ សីហា ។
ពេលដែលការរៀបចំកិច្ចប្រជុំនោះ ត្រូវបានបង្កើត ប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី បានជួប នាថ្ងៃទី២៣សីហា នៅក្រុងគៀវ ជាមួយសមភាគីហ្វាំងឡង់ លោកALEXANDER STUBB ដែលជាសហប្រធាននៃការចរចាតុមូល ស្ដីពីកិច្ចសហប្រតិបត្តិការខាងផ្នែកការពារ ។ លោកALEXANDER STUBB បានប្រកាសពីការចុះហត្ថលេខាលើ កិច្ចព្រមព្រៀងនានា រវាងក្រុមហ៊ុនផលិតអាវុធហ្វាំងឡង់ និងសហគ្រាសផលិតអាវុធអ៊ុយក្រែន ។
ប្រទេសន័រវែសដែលនឹងផ្ដល់ជំនួយ៩ពាន់លានដុល្លារ ដល់ក្រុងគៀវនាឆ្នាំខាងមុខនេះ នាយករដ្ឋមន្ត្រីប្រទេសនោះ លោកស្រីJONAS GAHR TORES ប្រកាសនាថ្ងៃទី២៣ សីហា ថា ជំនួយនោះភាគច្រើននឹងសម្រាប់ផ្ដល់ដល់កងទ័ពអ៊ុយក្រែន ។ រដ្ឋមន្ត្រីការបរទេសអ៊ុយក្រែន លោកអានឌ្រីអ៉ីស៊ីប៊ីហា បានទទួលនៅស្ថានីយរថភ្លើងក្រុងគៀវ មេដឹកនាំដាណឹម៉ាក់ អេស្តូនី ហ្វាំងឡង់ ឡេតូនី លីទុយអានី និងន័រវែសព្រមទាំងតំណាងជាន់ខ្ពស់ដទៃៗទៀត ។
នាយករដ្ឋមន្ត្រីដាណឹម៉ាក់លោក ស្រីMETTE FREDERIKSEN អំពាវនាវដល់បណ្ដាដៃគូលោកខាងលិចរបស់អ៊ុយក្រែន ឲ្យផ្ដល់ដល់ក្រុងគៀវមីស៊ីលប៉ាទ្រីយ៉ូត សម្រាប់ប្រព័ន្ធការពារអាកាស ។ លោកស្រីថា នោះជាឆន្ទៈនយោបាយមួយ ។ ប្រធានក្រុមប្រឹក្សាអឺរ៉ុបលោកអានតូនីយ៉ូកូស្តា ក៏ត្រូវមកកាន់អ៊ុយក្រែនដែរ អមដោយភ្ញៀវអន្តរជាតិដទៃៗទៀត ក្នុងនោះមាន នាយករដ្ឋមន្ត្រីលុចហ្សំប៊ួលោកLUC FRIEDEN ។
ខាងផ្នែកយោធាវិញអ៊ុយក្រែន បានផ្លាស់ប្ដូរគោលដៅវាយប្រហារ ដោយពេលនេះ ប្រមូលផ្ដុំការវាយប្រហារលើផ្សារផ្កត់ផ្គង់ទំនិញតាមអនឡាញOZON រុស្ស៊ី បន្តពីយុទ្ធនាការវាយប្រហារប្រឆាំងឃ្លាំងស្តុកក្រុមហ៊ុនផ្កត់ផ្កង់យក្សរុស្ស៊ី WILDBERRIES។ កាលពីថ្ងៃទី២៣ សីហា អ៊ុយក្រែនបានវាយប្រហារ ជាលើកទី២នាចុងសប្ដាហ៍លើទីតាំងមួយរបស់OZON គឺមជ្ឈមណ្ឌលផ្គត់
ផ្គង់ក្នុងទីក្រុងអូរេនប៊ួក ។
ដ្រូនច្រើនគ្រឿងត្រូវបានបាញ់ទម្លាក់ពីលើតំបន់សេដ្ឋកិច្ចពិសេស កន្លែងដែលមានបណ្ដាទីតាំងឧស្សាហកម្ម។ សំណាងណាស់ដែលពុំមានមនុស្សណាម្នាក់រងរបួស។ បណ្ដាបំណែកដ្រូនបានធ្លាក់លើប្លុកភស្ដុភាររបស់OZON បណ្ដាលឲ្យមានភ្លើងឆាបឆេះតែត្រូវបានពន្លត់ដោយរហ័ស ដោយបណ្ដាភ្នាក់ងាររបស់ក្រសួងសភាពការណ៍បន្ទាន់។
កាលពីថ្ងៃទី២២ សីហា អ៊ុយក្រែនក៏វាយុប្រហារលើឃ្លាំងស្តុកមួយរបស់OZON ក្នុងតំបន់សាម៉ារ៉ារុស្ស៊ី ។ ការវាយប្រហារនោះបណ្ដាលឲ្យមនុស្សច្រើននាក់រងរបួស ។ សកម្មភាពរបស់ឃ្លាំងនោះ ត្រូវបានផ្អាករហូតដល់មានបទបញ្ជាជាថ្មី។ ក្រសួងការពារប្រទេសអ៊ុយក្រែនប្រកាសថា នោះជាយុទ្ធសាស្ត្រថ្មីដែលការវាយប្រហារសំដៅលើសហគ្រាសដែលស្តុកបណ្ដាទំនិញដែលប្រើមានមុខ២។
បន្ទាប់ពីបណ្ដាកងឯកភាពអ៊ុយក្រែនវាយប្រហារលើឃ្លាំងទំនិញចំនួន១៥របស់ក្រុមហ៊ុន WILDBERRIES ឥឡូវដល់វេនក្រុមហ៊ុនOZONម្ដង។ ការវាយប្រហារជាប់រដឹកប្រឆាំងបណ្ដាទីតាំងស្តុកទំនិញប្រើប្រាស់មុខ២គឺខាងសីុវិលផងនិងយោធាផង ធ្វើឲ្យស្ទះដល់ការផ្គត់ផ្គង់របស់សត្រូវ ហើយប៉ះពាល់ជាអវិជ្ជមានដល់សេដ្ឋកិច្ចរុស្ស៊ីទាំងមូល ៕
ចែករំលែកព័តមាននេះ