ក្រសួងសុខាភិបាលបានប្រកាសថា នៅក្នុងករណីដែលកុមារមានអាការៈក្តៅខ្លួន ពួកគេងាយរងគ្រោះនឹងជំងឺ៤ប្រភេទ ។
នៅក្នុងសារដែលចេញកាលពីថ្ងៃទី២៣ ខែសីហា ឆ្នាំ២០២៦ បានឲ្យដឹងថា កុមារដែលមានអាការៈក្តៅខ្លួន អាចបណ្តាលមកពីជំងឺឆ្លងផ្សេងៗដូចជា រលាកផ្លូវដង្ហើម ផ្ដាសាយ រលាកបំពង់ក ឬជំងឺគ្រុនឈាម ។
នៅក្នុងស្ថានភាពបែបនេះ ដើម្បីបញ្ជៀសគ្រោះថ្នាក់ ឬហានិភ័យនៃសុខភាពដល់កុមារ ឪពុកម្តាយ ឬអាណាព្យាបាល សូមមានការប្រុងប្រយ័ត្ន ។
ប្រភពដដែលបញ្ជាក់ថា ប្រសិនបើកុមារមានអាការៈក្តៅខ្លួនភ្លាមៗសូមនាំកុមារទៅកាន់មណ្ឌលសុខភាព ឬមន្ទីរពេទ្យបង្អែកដែលនៅជិតអ្នកបំផុត ដើម្បីសុវត្ថិភាព ៕
ចែករំលែកព័តមាននេះ