វារីវប្បករចិញ្ចឹមបង្គាស្រុកព្រៃនប់ ជួបជុំគ្នាដកស្រង់បទពិសោធន៍ និងបច្ចេកទេសចិញ្ចឹមជាមួយអ្នកជំនាញ
- ព្រះសីហនុ
ខេត្តព្រះសីហនុ ៖ នៅព្រឹកថ្ងៃទី២១ សីហា ២០២៦ បងប្អូនវារីវប្បករចិញ្ចឹមបង្គាក្នុងស្រុកព្រៃនប់ ក្នុងនោះ មានទាំងអ្នកដែលបានកំពុងចិញ្ចឹមហើយ និងអ្នកដែលមិនទាន់ចិញ្ចឹម ហើយមានបំណងចិញ្ចឹម បានមកធ្វើការសិក្សាដកស្រងបទពិសោធន៍ទៅវិញទៅមករវាងពួកគាត់ចិញ្ចឹមហើយនិងអ្នកបច្ចេកទេសនៅក្នុងមជ្ឈមណ្ឌលផ្សព្វផ្សាយបំណិនជីវិត្ត ផ្នែកវារីវប្បកម្មសមុទ្រ មានទីតាំងក្នុងឃុំសំរុង ស្រុកព្រៃនប់ ខេត្តព្រះសីហនុ ដើម្បីស្វែងរកចំណុចល្អៗដើម្បីអនុវត្តទៅថ្ងៃមុខ។ ដែលបច្ចុប្បន្នបងប្អូនដែលមានមុខរបរចិញ្ចឹមបង្គានៅក្នុងស្រុកព្រៃនប់ មានចំនួនប្រមាណជាជាង ២០គ្រួសារ ប្រើប្រាស់នៅលើផ្ទៃស្រែបង្គាប្រមាណជាជាង ២០០ ហ.ត។
លោកនេន ចំរើន ប្រធានមន្ទីកសិកម្មរុក្ខាប្រមាញ់ និងនេសាទខេត្តព្រះសីហនុ បានឲដឹងថា នៅព្រឹកនេះវារីវប្បករ ដែលគាត់មកនេះ មានទាំងអ្នកដែលមិនទាន់បានចិញ្ចឹម គាត់មកដើម្បីដកស្រង់បទពិសោធន៍ និងអ្នកដែលបានកំពង់ចិញ្ចឹមហើយក៍មកដកស្រង់បទពិសោធន៍ និងផ្ដល់នូវបទពិសោធន៍ល្អ។ទៅវិញទៅមករវាងមជ្ឈមណ្ឌល និងវារីវប្បករ ។ ហើយបន្ថែមជាងនេះ ក៍បានចងជាក្រុមបង្កើតជាតេឡេក្រាមរវាងមជ្ឈមណ្ឌល និងវារីវប្បករ ដើម្បីជាភាពងាយស្រួលក្នុងការទំនាក់ទំនងជាប្រចាំផងដែរ ។
សូមបញ្ចាក់ថា មជ្ឈមណ្ឌលផ្សព្វផ្សាយបំណិនជីវិត្ត ផ្នែកវារីវប្បកម្មសមុទ្រ មានទីតាំងក្នុងឃុំសំរុង ស្រុកព្រៃនប់ ខេត្តព្រះសីហនុ បង្កើតបានជាង៧ខែហើយ ហើយគិតមកដល់ពេលនេះ រាប់ទាំងស្រះចិញ្ចឹមក្តាម ត្រី និងបង្គាមានចំនួន៥ស្រះលើផ្ទៃដីជាង១០ហិកតា ៕
ចែករំលែកព័តមាននេះ