ភេទសម្ព័ន្ធជាផ្នែកមួយដែលមិនអាចខ្វះបាននៅក្នុងជីវិតជាគូស្វាម៉ីនិងភរិយា ប្រសិនបើចង់ថែរក្សាចំណងអាពាហ៍ពិពាហ៍ឲ្យរឹងមាំ ។ ដូច្នេះហើយទើបពាក្យមួយឃ្លាថា «ប្រពន្ធឱ្យប្តីមិនគ្រប់ ទើបជាហេតុនាំឱ្យប្តីលួចទៅ សៅគ្រី» កំពុងតែផ្ទុះការវែកញែកពេញបណ្តាញសង្គម ។
សូមកុំមើលស្រាលពាក្យមួយឃ្លារនេះឲ្យសោះ សម្រាប់បុរសអាចពោលដូច្នេះបាន ។ ប៉ុន្តែវាក៏ជាពាក្យមួយឃ្លា ដែលបុរសត្រូវគិតផងដែរ ។ ក្រុមនារីក៏អាចពោលបកមកវិញបានផងដែរថា «ប្តីឱ្យប្រពន្ធមិនគ្រប់ ទើបជាហេតុនាំឱ្យប្រពន្ធលួចទៅសៅគ្រី»ដែរ ។
នៅក្នុងចំណងគ្រួសារ នៅពេលដែលបុរស និងស្ត្រី ពោលពាក្យ ឬក៏រិះគិតអំពីទស្សនៈនេះឡើងហើយ សូមមានការប្រុងប្រយ័ត្ន ហើយព្យាយាមជួសជុល ឬប៉ះប៉ូវស្ថានការណ៍ឡើងវិញ ដើម្បីកុំអោយជ្រុលនាំឲ្យបែកបាក់ចំណងអាពាហ៍ពិពាហ៍ ប្រសិនបើបុរស និងស្ត្រី ពិតជាចង់រក្សាចំណងអាពាហ៍ពិពាហ៍ពិតប្រាកដមែន ។
នៅសម័យនេះ ឱកាសនៃការផិតក្បត់របស់បុរស និងស្ត្រី គឺមានដូចគ្នា ។ បើយើងប្រហែសបុរសអាចទៅរកសេវា «សៅគ្រី» បាន។ ខាងស្ត្រីក៏មានឱកាស និងពេលវេលាទៅសៅគ្រី ដូចតែគ្នាទេ ។ ដូច្នេះសូមរិះគិត និងព្យាយាមបំពេញឲ្យគ្នាទៅវិញទៅមក ដោយស្មោះត្រង់ ដោយយោគយល់ ហើយបុរស និងស្ត្រី ត្រូវនិយាយជាមួយគ្នា ដោយត្រង់ទៅត្រង់មក ទើបយើងអាចរក្សាបានចំណងនៃជីវិត ដែលយើងបានចងនេះឲ្យជាប់ដល់ចាស់ព្រឹទ្ធចាស់ព្រេង ។
សៅគ្រីនេះហើយជាប្រភពនៃអំពើផិតក្បត់ ហើយតែយើងប្រពឹត្តហើយ មិនថា ប្រុស ឬស្រីទេ គឺយើងមិនត្រឹមតែខុសខាងសីលធម៌សង្គម ខុសប្រពៃណីនោះទេ គឺសូម្បីតែច្បាប់ក៏ខុសដែរ គឺខុសច្បាប់ឯកពន្ធភាព ដែលអាចប្រឈមមុខនឹងពិរុទ្ធផ្លូវច្បាប់បន្ថែមទៀត ។
ដោយសារតែបញ្ហាភេទសម្ព័ន្ធនេះ មានគ្រួសារជាច្រើនដែលបែកបាក់គ្នា ។ ប៉ុន្តែទោះបីជាយ៉ាងណា មុនដល់ពេលស្ថានភាពគ្រួសារណាមួយស្ថិតនៅក្នុងជម្លោះនេះ មុនពេលសម្រេចចិត្តបែកបាក់គ្នា គួរតែនិយាយគ្នាដោយអារម្មណ៍និងភាពស្មោះត្រង់ ហើយព្យាយាមរកដំណោះស្រាយរួមមួយ ដែលបង្ហាញពីការគោរពនិងកំណត់ព្រំដែន ។
ជាការពិតភេទសម្ព័ន្ធនេះ ដើម្បីឲ្យវាដល់ចំណុចកំពូល វាត្រូវតែជាសម្ព័ន្ធដែលមានការយល់ព្រមដោយស្ម័គ្រចិត្តទាំងសងខាង ដោយមិនមានការបង្ខំ គ្មានសម្ពាធ ឬការគំរាមកំហែងឡើយ ។ ប្រសិនបើចំណងជីវិតគ្រួសារអ្នក កំពុងតែមានបញ្ហាប្រេះឆា ព្រោះបញ្ហានេះ អ្នកទាំងពីរគួរតែស្វែងរកមូលហេតុដែលនៅពីក្រោយបញ្ហា ។
មូលហេតុដែលអ្នកគួរតែរកនោះ គឺមានតាំងពីភាពតានតឹង ការងារ ការគេង ឬសម្រាកមិនគ្រប់គ្រាន់ បញ្ហាទំនាក់ទំនង ការឈឺចាប់ នៅពេលដែលភាគីទាំងពីរប្រពឹត្តសកម្មភាពភេទសម្ព័ន្ធនោះ ពេលខ្លះមកពីបញ្ហាសុខភាពផងដែរ ។ សូមយល់ពីគ្នាទៅវិញទៅមក ហើយព្យាយាមកសាងភាពស្និទ្ធស្នាល ដោយការឱប ការថើប ការសន្ទនាគ្នាដោយភាពផ្អែមល្ហែម ដោយចំណាយពេលវេលានៅជាមួយគ្នានិងយការយកចិត្តទុកដាក់ និយាយរួមទៅ គឺ រកឱកាសបង្កើនភាពស្និទស្នាលនៅក្នុងគ្រួសារ ។
សរុបទៅ បញ្ហាភេទសម្ព័ន្ធអាចជាផ្នែកមួយដែលមានឥទ្ធិពលលើជីវិតអាពាហ៍ពិពាហ៍ ប៉ុន្តែការមិនបំពេញតម្រូវការផ្លូវភេទ មិនគួរត្រូវបានយកធ្វើជាហេតុផលដើម្បីបង្ហាញភាពត្រឹមត្រូវចំពោះអំពើផិតក្បត់ឡើយ។ ការរក្សាចំណងអាពាហ៍ពិពាហ៍ឱ្យរឹងមាំ ត្រូវការការស្មោះត្រង់ ការយោគយល់ ការគោរព ការប្រាស្រ័យទាក់ទងដោយបើកចំហ និងការយល់ព្រមដោយស្ម័គ្រចិត្តពីភាគីទាំងពីរ ។ នៅពេលមានបញ្ហា គូស្វាម៉ីភរិយាគួររួមគ្នាស្វែងរកមូលហេតុ និងដំណោះស្រាយ មិនមែនបន្ទោស ឬគំរាមកំហែងគ្នាទៅវិញទៅមកឡើយ។ ការបង្កើនភាពស្និទ្ធស្នាលតាមរយៈការយកចិត្តទុកដាក់ ការសន្ទនា ការចំណាយពេលជាមួយគ្នា និងការគោរពព្រំដែនរបស់គ្នា អាចជួយពង្រឹងទំនាក់ទំនងបាន ។ អាពាហ៍ពិពាហ៍ដែលរឹងមាំ មិនមែនពឹងផ្អែកលើភេទសម្ព័ន្ធតែមួយមុខទេ ប៉ុន្តែពឹងផ្អែកលើសេចក្តីស្រឡាញ់ ការទទួលខុសត្រូវ ភាពស្មោះត្រង់ និងការរួមគ្នាដោះស្រាយបញ្ហារបស់មនុស្សពីរនាក់។
សូមកុំអោយបញ្ហានេះដឹកមុខ តែបញ្ហានេះដឹកមុខ គ្រួសារបែបបាក់បើអ្នកទាំងពីរមានកូន បន្ទុកនិងបញ្ហាឈឺក្បាលនៅពេលអនាគតទៅមុខ គឺកូនៗរបស់អ្នកទាំងពីរបន្ថែមមួយកម្រិតទៀត ។ សូមថ្លឹងថ្លែងនិងគិតគូរឲ្យច្បាស់លាស់ កុំអោយតណ្ហា រវាដឹកមុខយើងបាន ៕
ចែករំលែកព័តមាននេះ