ប្រទេសអ៉ីរ៉ង់ ៖ យោងតាមរបាយការណ៍មួយចេញផ្សាយ ដោយអង្គការក្រៅរដ្ឋាភិបាលមួយ មានមូលដ្ឋាននៅក្រុងវ៉ាស៊ីនតោនថា អ៉ីរ៉ង់បានប្រហារជីវិតមនុស្សយ៉ាងតិច៩០០នាក់ តាំងពីដើមឆ្នាំ២០២៦នេះមក ដោយគ្រាន់តែក្នុងខែសីហានេះមនុស្សដល់២៨នាក់ត្រូវប្រហារជីវិតរួចហើយ។
អង្គការការពារសិទ្ធិមនុស្សនេះ ជំរឿនឃើញមនុស្ស៩០១នាក់ត្រូវប្រហារជីវិត រវាងខែមករានិងខែកក្កដា ដែលជាការកើនឡើងខ្ពស់ ដោយសារការប្រើទោសប្រហារជីវិត ទាក់ទិននឹងសន្តិសុខជាតិព្រមទាំងការរត់ពន្ធគ្រឿងញៀន។
មនុស្សយ៉ាងតិច៥៦នាក់ត្រូវប្រហារជីវិតរយៈពេល៧ខែចុងក្រោយនេះដោយមនុស្សទាំងនោះជាប់ចោទពីបទនយោបាយជាប់ទាក់ទិនដល់សន្តិសុខជាតិ ក្នុងនោះ២៩នាក់ទាក់ទិននឹងបាតុកម្ម ១៣នាក់ទាក់ទិនចារកម្មនិង១៤នាក់ទាក់ទិននឹងសន្តិសុខ
ជាតិ។ អ្នកទោសគ្រឿងញៀនដែលត្រូវប្រហារជីវិតមានដល់យ៉ាងតិច២៦៨នាក់៕
ចែករំលែកព័តមាននេះ