វិស័យមួយចំនួនបានធ្លាក់ចុះមែន ដូចជា ទេសចរណ៍ជាដើម ប៉ុន្តែសម្រាប់ចំណូលវិញទាំងចំណូលចរន្ត និងចំណូលសារពើពន្ធ គឺនៅតែមានកំណើន ។
របាយការណ៍ស្តីពីលទ្ធផលនៃការអនុវត្តថវិកា នៅឆមាសទី១ និងការវាយតម្លៃលើការអនុវត្តច្បាប់ស្តីពីហិរញ្ញវត្ថុឆ្នាំ២០២៦ បានបង្ហាញថា ចំណូលសរុបដែលឆ្លងកាត់អគ្គនាយកដ្ឋានរតនាគារជាតិ នៅឆមាសទី១ នៃឆ្នាំ២០២៦ គឺអនុវត្តបាន១៦.៥៣៧.២០៦ លានរៀល ពោល គឺកើនឡើង៦,៧ភាគរយ បើធៀបនឹងរយៈពេលដដែល នៃឆ្នាំ២០២៥ ឬស្មើនឹង៥៥,៥ភាគរយ នៃច្បាប់ហិរញ្ញវត្ថុ ។
ប្រភពដដែលបានបន្ថែមថា ចំណូលចរន្តដែលប្រមូលបានមានតម្លៃ១៦.២៩២.៨០៥ លានរៀល កើនឡើង៨,៤ភាគរយ ហើយចំណូលសារពើពន្ធវិញ គឺមានតម្លៃ១៤.៥០៤.៩០៤ លានរៀន កើនឡើង៨,៤ភាគរយ ៕
ចែករំលែកព័តមាននេះ